തിരുവനന്തപുരം : ഇനി സര്ക്കാര് സര്വീസില് ഇരുന്നു സര്ക്കാരിനെ വിമര്ശിച്ചാല് ജീവനക്കാരുടെ പണി പോകും. സമൂഹമാദ്ധ്യമങ്ങളിലൂടെ സര്ക്കാരിനെ വിമര്ശിക്കുന്ന ജീവനക്കാരെ പിടികൂടാന് പെരുമാറ്റച്ചട്ടം ഭേദഗതി ചെയ്യുകയാണ് ഇടത് സര്ക്കാര്. കാലം മാറിയതിനനുസരിച്ചു ജീവനക്കാരുടെ പെരുമാറ്റച്ചട്ടം മാറ്റാനാണു സര്ക്കാര് തീരുമാനം. സര്ക്കാരിനെ വിമര്ശിച്ച് സര്ക്കാര് ജീവനക്കാര് കൂടുതലെത്തുന്നതോടെയാണ് ചട്ടം ഭേദഗതി ചെയ്യാന് തീരുമാനിച്ചത്.
സൈബര് നിയമങ്ങൾ ഉള്പ്പെടുത്തിയുള്ള ഭേദഗതി നിര്ദേശമുള്പ്പെടുന്ന ഫയല് ചീഫ് സെക്രട്ടറി വി.പി.ജോയ് മുഖ്യമന്ത്രി പിണറായി വിജയനു കൈമാറി. ഭരണപരിഷ്കാര വകുപ്പ് നല്കിയ ഫയലാണു ചീഫ് സെക്രട്ടറി അംഗീകരിച്ച് മുഖ്യമന്ത്രിക്കു കൈമാറിയത്. ചട്ടം ഭേദഗതി ചെയ്താല് ജീവനക്കാരെ പിരിച്ചു വിടുന്നതടക്കമുള്ള നടപടികളിലേക്ക് സര്ക്കാരിനു എളുപ്പത്തില് കടക്കാം.
സര്ക്കാര് ജീവനക്കാരുടെ പെരുമാറ്റച്ചട്ടം നിലവില് വന്നത് 1968ലാണ്. അന്നത്തെ നിയമത്തില് സൈബര് നിയമങ്ങള് ഉള്പ്പെട്ടിരുന്നില്ല. . മുഖ്യമന്ത്രി അംഗീകരിച്ചാല് ഭേദഗതി നിര്ദേശം മന്ത്രിസഭയിലെത്തിയ ശേഷം സബ്ജക്ട് കമ്മിറ്റിയിലെത്തും. ഫെയ്സ്ബുക്ക്, ഇന്സ്റ്റഗ്രാം, ട്വിറ്റര് തുടങ്ങിയവയിലുള്ള സര്ക്കാര്വിരുദ്ധ എഴുത്തുകള് ചട്ടലംഘനമായി കണക്കാക്കുമെന്നു പെരുമാറ്റച്ചട്ടത്തില് പ്രത്യേകം രേഖപ്പെടുത്തും.
Comments