ബ്യൂണസ് ഐറിസ്: ഇറ്റലിയെ തകര്ത്ത് കൗമാര പുരുഷ ഫുട്ബോള് ലോകകപ്പില് വിജയ കീരിടമണിഞ്ഞ്് ഉറുഗ്വേ. ഫിഫ അണ്ടര് 20 ലോകകപ്പില് മറുപടിയില്ലാത്ത ഒരു ഗോളിനായിരുന്നു ലാറ്റിനമേരിക്കന് വമ്പന്മാരുടെ വിജയം. കളി അവസാനിക്കാന് 4 മിനിട്ട് ശേഷിക്കേ ലൂസിയാനോ റോഡ്രിഗ്സാണ് വിജയ ഗോള് നേടിയത്.
നാലുവര്ഷമായി തുടര്ന്ന യൂറോപ്യന് ആഥിപത്യം തച്ചുടച്ചായിരുന്നു കിരീട നേട്ടം. ഇഞ്ചോടിഞ്ച് പോരാട്ടത്തില് ഫിനിഷിംഗിലെ പോരായ്മയാണ് യുറുഗ്വേയുടെ വിജയം അവസാന നിമിഷങ്ങളിലേക്ക് നീട്ടിയത്. ഡീയാഗോ മറഡോണ സ്റ്റേഡിയത്തിലെ 40,000ത്തിലധികം കാണികളെ സാക്ഷിയാക്കിയായിരുന്നു റോഡ്രിഗ്സിന്റെ വെടിച്ചില്ല് ഹെഡര് ഗോള്. ഏഴുഗോള് നേടിയ ഇറ്റലിയുടെ സെസാരെ കസാഡെയാണ് ടൂര്ണമെന്റിലെ ടോപ് സ്കോറര്ക്കുള്ള ഗോള്ഡന് ബൂട്ടൂം മികച്ച താരത്തിനുള്ള ഗോള്ഡന് ബോളും.
ഇറ്റലിയുടെ തന്നെ സെബാസ്റ്റിയാനോ ഡെസ്പ്ലാഞ്ചസ് ഗോള്ഡന് ഗ്ലൗവും നേടി. ഏഴു മത്സരങ്ങളില് മൂന്നു തവണയാണ് ഉറുഗ്വേയുടെ വലകുലുക്കാന് എതിരാളികള്ക്ക് കഴിഞ്ഞത്.ഫേവറിറ്റുകളായ ബ്രസീലും അര്ജന്റീനയും ഇംഗ്ലണ്ടും സെമി കാണാതെ പുറത്തായതും ആരാധകര്ക്ക് ഞെട്ടലായിരുന്നു.1997,2013 വര്ഷങ്ങളിലായിരുന്നു ഉറുഗ്വേയുടെ ഫൈനല് തോല്വികള്. 2011ലായിരുന്നു ലാറ്റിനമേരിക്കാന് രാജ്യം അവസാനമായി കപ്പുയര്ത്തിയത്, അത് ബ്രസീലായിരുന്നു.തുടര്ന്നിങ്ങോട്ട് യൂറ്യോപ്യന് ആഥിപത്യമായിരുന്നു.
Comments