മുംബൈ: 2013ൽ എം.എസ് ധോണിയ്ക്ക് കീഴിൽ ഐസിസി ചാമ്പ്യൻസ് ട്രോഫി കിരീടം നേടിയശേഷം ഒരു ഐസിസി കിരീടം നേടാൻ ആവതു ശ്രമിച്ചും ഇന്ത്യക്കായിട്ടില്ല. ക്യാപ്ടന്മാർ മാറി വന്നെങ്കിലും കിരീട വരൾ തീർന്നുമില്ല.ഇന്ത്യക്കായിട്ടില്ല. 2014ലെ ടി20 ലോകകപ്പിൽ രണ്ടാം സ്ഥാനക്കാരായ ഇന്ത്യ 2015ലെ ഏകദിന ലോകകപ്പ് സെമിയിൽ പുറത്തായി.
2017ലെ ചാമ്പ്യൻസ് ട്രോഫി ഫൈനലിലും 2019ലെ ഏകദിന ലോകകപ്പ് സെമിയിലും തോറ്റ ഇന്ത്യ 2021ലെ ടി20 ലോകകപ്പിൽ ആദ്യ റൗണ്ടിലും ലോക ടെസ്റ്റ് ചാമ്പ്യൻഷിപ്പ് ഫൈനലിലും 2022ലെ ടി20 ലോകകപ്പ് സെമിയിലും തോറ്റ് പുറത്തായി.
ഇതിന് പിന്നാലെയാണ് വീണ്ടും ലോക ടെസ്റ്റ് ചാമ്പ്യൻഷിപ്പ് ഫൈനലിൽ ഓസ്ട്രേലിയയോട് തോറ്റത്.ആരാധകർ തോൽവിയുടെ കാരങ്ങൾ വിശകലനം ചെയ്യുകയും വിമർശിക്കുന്നതും പതിവാണെങ്കിൽ ഇത്തവണ തോൽവികൾക്കുള്ള ഉത്തരങ്ങൾ ചാറ്റ് ജിപിടിയാണ്. 9് കാരണങ്ങളാണ് ചാറ്റ് ജിപിടി നിരത്തുന്നത്. ഈ ഘടകങ്ങൾ ഇന്ത്യൻ ക്രിക്കറ്റ് ടീമിന് മാത്രല്ല, രാജ്യാന്തര ക്രിക്കറ്റിൽ പങ്കെടുക്കുന്ന ഏത് ടീമിനെയും ബാധിക്കാമെന്നും ചാറ്റ് ജിപിടി പറയുന്നു.
@ആരാധകരുടെ അമിത പ്രതീക്ഷയുടെ സമ്മർദ്ദം: അമിത സമ്മർദ്ദം കളിക്കാരുടെ പ്രകടനത്തെയും മാനസികാവസ്ഥയെയും ബാധിക്കുന്നു.
@വെല്ലുവിളി നിറഞ്ഞ സാഹചര്യങ്ങൾ: ഐസിസി ടൂർണമെന്റുകൾ ലോകത്തിന്റെ വിവിധ ഭാഗങ്ങളിൽ നടക്കുന്നതിനാൽ പരിചിത സാഹചര്യങ്ങൾ, പിച്ച്, കാലാവസ്ഥ എന്നിവയിൽ നിന്നുള്ള മാറ്റത്തോട് പൊരുത്തപ്പെടാൻ ടീമിന് വെല്ലുവിളിയുരുന്നു.
@സ്ഥിരതയില്ലായ്മ: സ്ഥിരതയുള്ള പ്രകടനങ്ങൾ ഇത്തരം നോക്ക്ൗട്ട് സ്റ്റേജുകളിൽ പുറത്തെടുക്കാൻ താരങ്ങൾ സാധിക്കുന്നില്ല.
@വലിയ താരങ്ങളെ അമിതമായി ആശ്രയിക്കുന്നു: ടീമിലെ വലിയ താരങ്ങളെ അമിതമായി ആശ്രയിക്കുന്നതിനാൽ അവരിൽ അമിത സമ്മർദ്ദമുണ്ടാകുന്നു. ഇവർക്ക് പരിക്കായാലോ ഫോം ഔട്ടായാലോ ഇത് വലിയ പ്രതിസന്ധി സൃഷ്ടിക്കും.
@മിഡിൽ ഓർഡർ:നല്ലൊരു മിഡിൽ ഓർഡർ ബാറ്റിംഗ് നിരയില്ലാത്തത് വലിയ വെല്ലുവിളി. പ്രധാനപ്പെട്ട മത്സരങ്ങളിൽ തോൽക്കുന്നതിന് പ്രധാന കാരണം.
@പരിചയക്കുറവ്: താതമ്യേന പരിചയസമ്പന്നരല്ലാത്ത താരങ്ങൾ ടീമിലുള്ളത് തിരിച്ചടിയാകുന്നു. കടുത്ത മത്സര സാഹചര്യങ്ങളിൽ ഈ അനുഭവക്കുറവ് ടീമിന്റെ പ്രകടനത്തെ ബാധിക്കുന്നു.
@ടീം തിരഞ്ഞെടുപ്പ്: ഇന്ത്യൻ ടീമിന്റെ തന്ത്രപരമായ വീഴ്ചകളും, ടീം തിരഞ്ഞെടുപ്പ്, കോച്ചിംഗ് സ്റ്റാഫും ടീം മാനേജ്മെന്റും എടുക്കുന്ന തീരുമാനങ്ങൾ എന്നിവയും പ്രകടനത്തെ സ്വാധീനിക്കുന്നു.
@ഫോമും പരിക്കുകളും: നിർണായക താരങ്ങളുടെ പരിക്കോ ഫോമില്ലായ്മയോ ഐസിസി ടൂർണമെന്റുകളിൽ ടീമിന്റെ മൊത്തത്തിലുള്ള പ്രകടനത്തെ ബാധിക്കുന്നു.
@കടുത്ത പോരാട്ടം: ഐസിസി ടൂർണമെന്റുകളിൽ ലോകത്തിലെ ഏറ്റവും മികച്ച ക്രിക്കറ്റ് ടീമുകൾ മത്സരിക്കുന്നന്നതിനാൽ ഈ ടൂർണമെൻറുകളിൽ മികവ് നിലനിർത്താൻ ഇന്ത്യക്കാവുന്നില്ല.
Comments