വീട്ടിൽ വളർത്തുന്ന അരുമകളിൽ ഏറ്റവും പ്രിയം നായകൾക്കാണ് . കൂടെ കൊണ്ട് നടന്നും , താലോലിച്ചുമൊക്കെ നായകളെ വളർത്താൻ പലർക്കും ഏറെ ഇഷ്ടമാണ് . ആ ഇഷ്ടത്തോടെയാണ് മെക്സിക്കോയിൽ അമൻഡ ഹാമിൽട്ടൻ എന്ന യുവതിയും വീട്ടിൽ വളർത്താൻ ഒരു നായയെ വാങ്ങിയത് . പോമറേനിയൻ ഇനത്തിൽപ്പെട്ടതെന്ന് കരുതിയാണ് വാങ്ങിയത്. പക്ഷേ വീട്ടിലെത്തിയപ്പോഴാണ് അബദ്ധം മനസ്സിലായത്. അത് നായ അല്ല, ചെന്നായ ആയിരുന്നു.
മെക്സിക്കൻ അതിർത്തിയിൽ നിന്ന് 4,000 രൂപ കൊടുത്താണ് നായക്കുട്ടിയെ വാങ്ങിയത്. ആളുകൾക്കിടയിൽ ഡിമാൻഡ് ഉള്ള പോമറേനിയൻ ഇനത്തിന് ഇത്രയും വിലക്കുറവ് കണ്ടപ്പോൾ അമൻഡയ്‌ക്ക് അത്ഭുതവും ചെറിയ സംശയവും ഉണ്ടായിരുന്നു. . വീട്ടിലെത്തിയപ്പോഴാണ് ഇത് നായയല്ല, ചെന്നായ ആണെന്ന തിരിച്ചറിവ് ഉണ്ടായത്. അമൻഡ തന്നെയാണ് ചെന്നായ കുട്ടിക്കൊപ്പമുണ്ടായ ചിത്രം ഷെയർ ചെയ്ത് ഇക്കാര്യം അറിയിച്ചത്.
