തെന്നിന്ത്യൻ സിനിമാ പ്രേക്ഷരുടെ കാത്തിരിപ്പിന് വിരാമം. രാമായണ കഥ പ്രമേയമാകുന്ന ആദിപുരുഷ് തിയേറ്ററുകളിലെത്തി. രാമയാണ കഥ പ്രമേയമാകുന്ന ചിത്രത്തിൽ പ്രഭാസാണ് നായകൻ. കൃതി സനോനാണ് നായിക കഥാപാത്രത്തെ അവതരിപ്പിച്ചിരിക്കുന്നത്. സെയ്ഫ് അലി ഖാനാണ് രാവണ വേഷത്തിലെത്തുന്നത്. ഹിന്ദി, തെലുങ്ക് ഭാഷകളിലായ ചിത്രീകരിച്ച ചിത്രം തമിഴ്, മലയാളം, കന്നഡ ഭാഷകളിലും പ്രദർശനത്തിനെത്തുന്നുണ്ട്.
രാജ്യത്തെ വിവിധ ഭാഷകളിലായി പ്രദർശനത്തിനെത്തുന്ന ആദിപുരുഷ് 4000 സ്ക്രീനുകളിലാണ് പ്രദർശപ്പിക്കുന്നത്. ചിത്രം ആദ്യദിനത്തിൽ 40 മുതൽ 50 കോടി വരെ നേടാൻ സാദ്ധ്യതയുണ്ടെന്നാണ് റിപ്പോർട്ടുകൾ വ്യക്തമാക്കുന്നത്. ചിത്രത്തിന് ബോക്സോഫീസിൽ മികച്ച തുടക്കം ലഭിക്കുമെന്നാണ് അനലിസ്റ്റുകളുടെ പ്രതീക്ഷ. തുടർന്നുള്ള ദിവസങ്ങളിൽ 60 കോടിയ്ക്ക് മുകളിൽ കളക്ഷൻ പോകാനുള്ള സാദ്ധ്യതയുണ്ടെന്നും റിപ്പോർട്ടുകൾ സൂചിപ്പിക്കുന്നു.ട്രേഡ് അനലിസ്റ്റുകളുടെ നിഗമനപ്രകാരം 150-170 കോടി രൂപയാകും ആദ്യവാരം നേടുക. രണ്ടാം ദിവസം 60, 70 കോടി രൂപയാണ് മൂന്നാം ദിവസം പ്രതീക്ഷിക്കുന്നത്.
ചിത്രം നാല് ലക്ഷത്തിലധികം ടിക്കറ്റുകൾ ഇതിനകം വിറ്റഴിച്ചുവെന്നാണ് റിപ്പോർട്ടുകൾ. പ്രമുഖ ട്രേഡ് അനലിസ്റ്റ് തരൺ ആദർശിന്റെ കണക്ക് പ്രകാരം രാജ്യത്തെ പ്രധാന മൾട്ടിപ്ലെക്സ് ശൃംഖലകളായ പിവിആർ, ഐനോക്സ് എന്നിവിടങ്ങളിൽ നിന്ന് മാത്രം 4.79 ലക്ഷം ടിക്കറ്റുകളാണ് വിറ്റഴിച്ചത്. എന്റർടെയ്ൻമെൻറ് വെബ് സൈറ്റ് ആയ കൊയ്മൊയ്യുടെ കണക്ക് പ്രകാരം ആദ്യദിനത്തിലെ മാത്രം അഡ്വാൻസ് ബുക്കിംഗ് പ്രകാരം ചിത്രം ഇതുവരെ നേടിയിട്ടുള്ളത് 11.02 കോടിയാണ്. വിവിധ ഭാഷാ പതിപ്പുകളുള്ള ചിത്രത്തിന്റെ ഹിന്ദി 3ഡി പതിപ്പ് ആണ് ബുക്കിംഗിൽ മുന്നിലെന്നും കൊയ്മൊയ് പറയുന്നു. 5.70 കോടിയാണ് ഹിന്ദി 3ഡി പതിപ്പിലൂടെ ചിത്രം ഇതിനകം നേടിയതെന്നാണ് അവരുടെ റിപ്പോർട്ട്.
