സൂപ്പർ ബൈക്കിൽ കറങ്ങി ധോണി; പിൻ യാത്രക്കാരനായി ശ്രീശാന്ത്; തരംഗമായി അപൂർവ്വ വീഡിയോ

ഇന്ത്യൻ മുൻ ക്യാപ്റ്റൻ മഹേന്ദ്ര സിംഗ് ധോണിയുമായി ബന്ധപ്പെട്ട് എന്ത് വിവരം സോഷ്യൽ മീഡിയയിൽ തരംഗം തീർക്കാറുണ്ട്. അതിനി ഫോട്ടോയോ വീഡിയോയ ആയാൽ ട്രെന്റിംഗിൽ വരുമെന്ന് ഉറപ്പ്. അത്തരം ഒരു അപൂർവ്വ വീഡിയോയാണ് ഇപ്പോൾ തരംഗമാകുന്നത്. ഇതിൽ മുഖ്യകഥാപാത്രം ക്യാപ്റ്റൻ കൂളാണെങ്കിൽ സഹനടനായി കേരളത്തിന്റെ ശ്രീശാന്തുമുണ്ട്.

മുൻ ഇന്ത്യൻ താരം ശ്രീശാന്തിനെ പുറകിലിരുത്തി സൂപ്പർ ബൈക്ക് ഓടിക്കുന്ന ധോണിയുടെ ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത്. സിഗ്‌നലിൽ വാഹനം നിർത്തിയപ്പോൾ ബൈക്ക് യാത്രികരായ ആരാധകരിൽ ചിലർ താരങ്ങളുടെ ചിത്രം മൊബൈൽ ഫോണിൽ പകർത്തുന്നതും ദൃശ്യങ്ങളിലുണ്ട്. ഇത് ഏത് വർഷം എടുത്തിരിക്കുന്ന വീഡിയോ ആണെന്ന് സോഷ്യൽ മീഡിയയിൽ ചർച്ചകൾ സജീവമാണ്.

Unseen video of our Thala Dhoni with Sreesanth on Bike!! 💛 pic.twitter.com/YaVLrDGvYB

— DIPTI MSDIAN (@Diptiranjan_7) June 14, 2023

എം.എസ്. ധോണിയുടെ നേതൃത്വത്തിൽ വീണ്ടുമൊരു ഐപിഎല്ലിനിറങ്ങിയ ചെന്നൈ സൂപ്പർ കിംഗ്‌സ് കിരീടനേട്ടവുമായാണ് സീസൺ അവസാനിപ്പിച്ചത്. അടുത്ത സീസണിലും ചെന്നൈയെ നയിക്കാൻ ധോണിയുണ്ടാകുമെന്ന പ്രതീക്ഷയിലാണ് ആരാധകർ. ചെന്നൈയ്‌ക്കൊപ്പം ഒരു സീസൺ കൂടി കളിക്കാൻ കഠിനാദ്ധ്വാനം ചെയ്യുമെന്ന് ധോണി അടുത്തിടെ പറഞ്ഞിരുന്നു.അതേസമയം ലോക ടെസ്റ്റ് ചാമ്പ്യൻഷിപ്പിലും ഐപിഎല്ലിലും കമന്റേറ്ററായി ശ്രീശാന്തുമെത്തിയിരുന്നു.