പാലക്കാട്: പാലക്കാട് വാളയാറിൽ എംഡിഎംഎയുമായി യുവാവ് എക്സൈസ് പിടിയിൽ. കൊച്ചി ബ്രോഡ് വേയിൽ ഷൂ വില്പന നടത്തുന്ന കൊല്ലം സ്വദേശി അനസാണ് പിടിയിലായത്. ഇന്ന് രാവിലെ എ്ക്സൈസ് നടത്തിയ വാഹനപരിശോധനക്കിടെയാണ് 35 ഗ്രാം എംഡിഎംഎയുമായി യുവാവ് പിടിയിലായത്.
വേളങ്കണ്ണി എറണാകുളം ബസ്സിൽ യാത്ര ചെയ്യുകയായിരുന്ന അനസിനെ സംശയത്തെ തുടർന്ന് പോലീസ് പരിശോധിക്കുകയായിരുന്നു. കൊച്ചിയിൽ വഴിയോര ഷൂ കച്ചവടം നടത്തുന്ന പ്രതി കച്ചവടത്തിന്റെ മറവിൽ മയക്കുമരുന്ന് വിൽപ്പന നടത്തി വരികയാണെന്ന് എക്സൈസ് പറഞ്ഞു.
ബംഗ്ലൂരിൽ നിന്നാണ് പ്രതി മയക്കുമരുന്ന് വാങ്ങിയിട്ടുള്ളത്. ഉറവിടം സംബന്ധിച്ച് കൂടുതൽ അന്വേഷണം നടത്തി വരികയാണെന്നും എക്സൈസ് വ്യക്തമാക്കി.
