കോട്ടയം: എംജി സർവകലാശാലയിൽ ഗുരുതര വീഴ്ച. പേരെഴുതാത്ത ബിരുദ സർട്ടിഫിക്കറ്റ് ഫോർമറ്റുകൾ കാണാനില്ലെന്ന് സർവകലാശാല അറിയിച്ചു. സെക്ഷനിൽ വിശദമായ പരിശോധന നടത്താൻ വൈസ് ചാൻസലർ പരീക്ഷ കൺട്രോളർക്ക് നിർദ്ദേശം നൽകി. സർട്ടിഫിക്കറ്റുകൾ കണ്ടെത്താനായില്ലെങ്കിൽ പോലീസിൽ പരാതി നൽകുമെന്ന് സർവകലാശാല അറിയിച്ചു.
പേരെഴുതാത്ത 54 ബിരുദ സർട്ടിഫിക്കറ്റ് ഫോർമാറ്റുകളാണ് എംജി സർവകലാശാലയിൽ നിന്ന് കാണാതായത്. സർട്ടിഫിക്കറ്റുകൾ ബന്ധപ്പെട്ട സെക്ഷനിൽ തന്നെ മറ്റെവിടെയെങ്കിലും സ്ഥാനം മാറി പോയതാണോയെന്ന് പരിശോധന നടത്തുകയാണ്. ഇക്കാര്യം സ്ഥിരീകരിച്ച ശേഷമായിരിക്കും പോലീസിനെ വിവരമറിയിക്കുക.
