ആവശ്യം കഴിഞ്ഞ് വലിച്ചെറിയുന്നതിനെ കറിവേപ്പിലയോട് നമ്മൾ മലയാളികൾ ഉപമിക്കാറുണ്ട്. പ്രധാനമായും രുചിക്ക് വേണ്ടിയാണ് നാം കറിവേപ്പില ഉപയോഗിക്കുന്നത്. ആവശ്യം കഴിഞ്ഞാൽ കറികളിൽ നിന്നും കറിവേപ്പില എടുത്തു കളയുന്നവരാണ് മിക്കവരും. എന്നാൽ, കറിവേപ്പിലയുടെ ഔഷധ ഗുണങ്ങൾ തിരിച്ചറിയുന്നവരാരും കറിവേപ്പില വലിച്ചെറിയില്ല എന്നതാണ് സത്യം.
കറികളിലും പഹാരങ്ങളിലും രുചി കൂടാൻ വേണ്ടി മാത്രം ഉപയോഗിക്കേണ്ട ഒന്നല്ല കറിവേപ്പില്ല. ദിവസവും ഈ ഔഷധ ഇല കഴിക്കുന്നത് ആരോഗ്യത്തിന് നല്ലതാണ്. നമ്മുടെ ഒരു ദിവസം ആരംഭിക്കുന്നത് കറിവേപ്പില കൊണ്ടാണെങ്കിൽ അത്രയും നല്ലത്. 5-6 പച്ച കറിവേപ്പില ചവച്ചരച്ച് ഒരു ഗ്ലാസ് വെള്ളത്തോടൊപ്പം വെറും വയറ്റിൽ കഴിക്കുന്നത് ആരോഗ്യത്തിന് വളരെ നല്ലതാണ്. വെറും വയറ്റിൽ കറിവേപ്പില ചവച്ചരച്ച് കഴിക്കുന്നതു കൊണ്ടുള്ള ആരോഗ്യ ഗുണങ്ങൾ എന്തെല്ലാമാണെന്ന് നോക്കാം.
1. മുടിയുടെ ആരോഗ്യം വർദ്ധിപ്പിക്കും: കറിവേപ്പില ആന്റിഓക്സിഡന്റുകളാലും പ്രോട്ടീനുകളാലും സമ്പന്നമാണ്. ഇത് ഫ്രീ റാഡിക്കലുകളെ ചെറുക്കുകയും മുടിയെ ശക്തവും ആരോഗ്യകരവുമാക്കുകയും ചെയ്യുന്നു. കറിവേപ്പിലയിൽ അടങ്ങിയിരിക്കുന്ന വിറ്റാമിൻ ബി മുടിയുടെ ആരോഗ്യം വർദ്ധിപ്പിക്കുന്നു. മുടിയുടെ വളർച്ചയ്ക്കും അകാല നര തടയാനും കറിവേപ്പില ശീലമാക്കുന്നതിലൂടെ കഴിയും.
2. പ്രതിരോധശേഷി വർദ്ധിക്കുന്നു: കറിവേപ്പിലയിൽ ആന്റി ഓക്സിഡന്റുകൾ അടങ്ങിയിട്ടുണ്ട്. ഇത് പ്രതിരോധശേഷി വർദ്ധിക്കാനും അസുഖങ്ങളെ ചെറുക്കാനും സഹായിക്കുന്നു.
3. കാഴ്ചശക്തി മെച്ചപ്പെടുത്തുന്നു: കറിവേപ്പിലയിൽ വിറ്റാമിൻ എ ധാരാളമായി അടങ്ങിയിട്ടുണ്ട്. ഇത് കാഴ്ച മെച്ചപ്പെടുത്താൻ സഹായിക്കും.
4. രാവിലെയുള്ള അസുഖം, ഓക്കാനം എന്നിവ ഒഴിവാക്കുന്നു: കറിവേപ്പിലയുടെ കാർമിനേറ്റീവ് ഗുണങ്ങൾ പ്രഭാതത്തിൽ ഉണ്ടാകുന്ന ഗ്യാസ്, വയറുവീർപ്പ് തുടങ്ങിയ ഘടകങ്ങളെ നിയന്ത്രിക്കാൻ സഹായിക്കും. മാത്രമല്ല, ദഹനം മെച്ചപ്പെടുത്താനും കറിവേപ്പില ചവയ്ക്കുന്നത് സഹായിക്കും.
