പാലക്കാട്: യൂട്യൂബർ തൊപ്പിക്കെതിരെ കേസെടുത്ത് പോലീസ്. അശ്ലീല പദപ്രയോഗം നടത്തിയതിനാണ് തൊപ്പിയെന്ന യൂട്യൂബർ മുഹമ്മദ് നിഹാലിനെതിരെ കേസെടുത്തത്. വളാഞ്ചേരി പോലീസിന്റേതാണ് നടപടി. പൊതുജനമധ്യത്തിൽ അശ്ലീല പദപ്രയോഗം നടത്തിയതിനൊപ്പം ഗതാഗതം തടസപ്പെടുത്തിയതിനും നിഹാലിനെതിരെ എഫ്ഐആർ രജിസ്റ്റർ ചെയ്തിട്ടുണ്ട്. സംഭവം ദിവസം നിഹാൽ ഉദ്ഘാടനം ചെയ്യാനെത്തിയ വസ്ത്രവ്യാപാരശാലയുടെ ഉടമയ്ക്കെതിരെയും പോലീസ് കേസെടുത്തു.
ഉദ്ഘാടന വേളയിൽ മോശം പദപ്രയോഗങ്ങൾ നടത്തിയ നിഹാൽ അതുവഴിയുള്ള ഗതാഗതം തടസപ്പെടുത്തുന്നതിനും കാരണമായിരുന്നു. ഇതിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ പ്രചരിച്ചതോടെയാണ് കേസെടുക്കുന്നതിലേക്ക് നയിച്ചത്. തൊപ്പിയെന്നറിയപ്പെടുന്ന കണ്ണൂർ സ്വദേശിയായ മുഹമ്മദ് നിഹാലിനെതിരെ വലിയ വിമർശനവും ഇതിനിടെ ഉയർന്നിരുന്നു. ഇതിന് പിന്നാലെയാണ് കേസ് രജിസ്റ്റർ ചെയ്യപ്പെട്ടത്.
Comments