ഇന്ത്യന് ക്രിക്കറ്റ് ടീമില് അന്ധവിശ്വാസങ്ങള് പിന്തുടരുന്നവര് ഏറെയുണ്ടായിരുന്നുവെന്ന് മുന് താരം വീരേന്ദര് സെവഗാവിന്റെ വെളിപ്പെടുത്തല്. അതില് പ്രമുഖന് ധോണിയായിരുന്നുവെന്നും അദ്ദേഹം പറഞ്ഞു. 2011 ലോകകപ്പ് മത്സരത്തില് ക്യാപ്റ്റന് എം.എസ് ധോണിയുള്പ്പെടെ ടീമിലെ ഒട്ടുമിക്ക അംഗങ്ങള്ക്കും പലതരം അന്ധവിശ്വാസങ്ങളുണ്ടായിരുന്നുവെന്നാണ് മുന് ഓപ്പണിംഗ് ബാറ്ററുടെ തുറന്നു പറച്ചില്. ലോകകപ്പ് സമയത്ത് ടീമിന്റെ വിജയത്തിന് വേണ്ടി ധോണി പ്രത്യേക ഭക്ഷണക്രമം പിന്തുടര്ന്നിരുന്നുവെന്നും അരിയും പയറും കൊണ്ടുണ്ടാക്കിയ ‘ഖിച്ച്ടി’ എന്ന വിഭവം മാത്രമേ ധോണി കഴിക്കാറുണ്ടായിരുന്നു എന്നുമാണ് സെവാഗ് വെളിപ്പെടുത്തിയിരിക്കുന്നത്.
‘ലോകകപ്പ് സമയത്ത് പലര്ക്കും പല തരത്തിലുള്ള വിശ്വാസങ്ങള് ഉണ്ടായിരുന്നു. ധോണി ഒരു ഭക്ഷണം മാത്രമായിരുന്നു കഴിച്ചിരുന്നത്. അരിയും പയറും കൊണ്ടുണ്ടാക്കിയ ഖിച്ച്ടിയാണ് ആ ഭക്ഷണം’, സെവാഗ് പറഞ്ഞു.എന്നാല് മത്സരത്തില് റണ്ണുകള് നേടാന് കഴിയാത്തതില് ധോണിയ്ക്ക് ബുദ്ധിമുട്ടില്ലായിരുന്നുവെന്നും പകരം ഓരോ കളികളിലും ടീം നേട്ടം കൈവരിക്കുന്നത് ഈ വിശ്വാസം തുടരുന്നത് കൊണ്ടാണെന്ന് അദ്ദേഹം ഉറച്ച് വിശ്വസിച്ചുവെന്നും സെവാഗ് പറഞ്ഞു.
ലോകകപ്പ് ടീമിലെ പ്രധാന താരമായിരുന്നു സെവാഗ്. ഒരു സെഞ്ചുറി ഉള്പ്പെടെ 380 റണ്സാണ് ലോകകപ്പില് സെവാഗ് നേടിയത്. 2011-ല് സ്വന്തം നാട്ടില് നടന്ന ലോകകപ്പില് ഇന്ത്യ കിരീടം നേടി. 1983-ന് ശേഷം ഇന്ത്യ വീണ്ടും ലോകകപ്പ് ജേതാക്കളായി. ഫൈനലില് ശ്രീലങ്കയെ തകര്ത്താണ് ഇന്ത്യ കിരീടം നേടിയത്. ഇത്തവണയും ഇന്ത്യയിലാണ് ലോകകപ്പ് നടക്കുന്നത്. ലോകകപ്പില് ഇന്ത്യ-ഇംഗ്ലണ്ട് ഫൈനല് വരാന് സാദ്ധ്യതയുണ്ടെന്ന് സെവാഗ് പറഞ്ഞു. ഇന്ത്യ,പാകിസ്താന്, ഇംഗ്ലണ്ട്, ഓസ്ട്രേലിയ ടീമുകളായിരിക്കും സെമിയിലെത്തുക എന്നും സെവാഗ് കൂട്ടിച്ചേര്ത്തു.
Comments