വളരെ ചുരുങ്ങിയ സമയം കൊണ്ട് തന്നെ പ്രേക്ഷക മനസുകളിൽ ഇടം നേടിയ താരമാണ് അപർണ ബാലമുരളി. മഹേഷിന്റെ പ്രതികാരം മുതൽ ധൂമം വരെ എത്തി നിൽക്കുന്ന താര്ത്തിന്റെ കരിയറിൽ ഏറ്റക്കുറച്ചിലുകൾ ഏറെയാണ്. സുരറൈ പോട്ര് എന്ന സിനിമയിലെ ഗംഭീര പ്രകടനം കൊണ്ട് മികച്ച നടിയ്‌ക്കുള്ള പുരസ്‌കാരവും താരത്തേ തേടിയെത്തി. ഇപ്പോഴിതാ സിനിമാ ജീവിതത്തെക്കുറിച്ച് മനസു തുറന്നിരിക്കുകയാണ് അപർണ ബാലമുരളി.
താരത്തിന്റെ വാക്കുകൾ…
‘ദേശീയ അവാർഡ് ലഭിച്ചു എന്നതിലുപരി സുററൈ പോട്ര് എന്ന സിനിമയ്‌ക്ക് ശേഷം എനിക്ക് ഒരുപാട് അവസരങ്ങൾ ലഭിച്ചു. എനിക്ക് ഇനിയും എന്തെക്കെയോ മിസ്സിംഗ് ആയി തോന്നുന്നുണ്ട്. ഒരു സിനിമ ശ്രദ്ധിക്കപ്പെട്ടാൽ പിന്നീട് വരുന്ന റോളുകൾക്ക് എല്ലാം സാമ്യം ഉണ്ടാകും. അത് തിരിച്ചറിയാതെ സ്‌ക്രിപ്റ്റുകൾ തെരഞ്ഞെടുക്കും. കുറേ സിനിമകളിൽ സീരിയസായ വേഷം ചെയ്‌തെന്നും അപർണ ചൂണ്ടിക്കാട്ടി.
ജീവിതത്തിലെ ഏറ്റവും വലിയ ഭാഗ്യമാണ് സൂറെൈറെ പോട്ര് എന്ന സിനിമയും അതിന് ലഭിച്ച ദേശീയ അവാർഡും. അതിന് വേണ്ടിയെടുത്ത ശ്രമങ്ങളുടെ ഫലമായിരുന്നു അത്. എല്ലാ സിനിമകളിലും പെർഫെക്ഷന് ശ്രമിക്കും. പക്ഷെ ചില സാഹചര്യങ്ങളാൽ നടക്കണമെന്നില്ല. സൂററൈ പോട്രിന് ഭയങ്കരമായ പ്ലാനിംഗ് ആയിരുന്നു. എല്ലാ സിനിമയിലും അങ്ങനെയൊരു പ്രോസസ് ആകണമെന്നില്ല. നമുക്ക് പരാതി പറയാൻ പറ്റില്ല. ചില സമയത്ത് സെറ്റിൽ വന്ന ശേഷം ആയിരിക്കും ബാക്കി ആൾക്കാരെ പരിചയപ്പെടുന്നത്. സന്തോഷകരമല്ലാത്ത ചില സാഹചര്യങ്ങൾ വരുമ്പോഴായിരിക്കും നമ്മൾ തിരിച്ചറിയുന്നത്. ചില സിനിമകളുടെ പകുതിക്ക് വെച്ചായിരിക്കും ഇത് തിരിച്ചറിയുന്നത്. അപ്പോൾ നന്നായി പെർഫോം ചെയ്യാൻ പറ്റില്ല. എന്തെങ്കിലുമൊരു പ്രശ്‌നമുണ്ടെങ്കിൽ അത് ഓൺസ്‌ക്രീനിൽ കാണും. ടീം എന്നത് വളരെ പ്രധാനമാണ്.”
