ചെൽസി വിട്ടതിന് ശേഷം ഇംഗ്ലണ്ട് താരം മേസൺ മൗണ്ട് മാഞ്ചസ്റ്റർ യുണൈറ്റഡുമായി കരാറിലെത്തി. ചെൽസിക്കായി 279 മത്സരങ്ങൾ കളിച്ച താരം 58 ഗോളുകളും 53 അസിസ്റ്റുകളും നേടിയിട്ടുണ്ട്. 2020-21, 2021-22 സീസണുകളിലെ ചെൽസിയുടെ പ്ലെയർ ഓഫ് ദ ഇയർ ആയിരുന്നു താരം. 6 വയസ്സുള്ളപ്പോൾ ചെൽസിയിൽ ചേർന്ന മൗണ്ട്് 2021 ൽ തന്റെ ബാല്യകാല ക്ലബ്ബിനായി ചാമ്പ്യൻസ് ലീഗും നേടി. 2028 വരെയാണ് മേസൺ മൗണ്ടിന് മാഞ്ചസ്റ്റർ യുണൈറ്റഡുമായുളള കരാർ കാലാവധി.
ഇംഗ്ലണ്ടിനായി 36 മത്സരങ്ങൾ കളിച്ചിട്ടുള്ള മേസൻ, 2021 ലെ യൂറോപ്യൻ ചാമ്പ്യൻഷിപ്പ് ഫൈനലിലേക്ക് ഇംഗ്ലണ്ട് കടന്നതിൽ പ്രധാന പങ്കുവഹിച്ചു.
മേസൺ മൗണ്ട് പറഞ്ഞു: ”നിങ്ങൾ വളർന്ന ക്ലബ് വിടുന്നത് ഒരിക്കലും എളുപ്പമല്ല, എന്നാൽ എന്റെ കരിയറിന്റെ അടുത്ത ഘട്ടത്തിൽ മാഞ്ചസ്റ്റർ യുണൈറ്റഡ് ആവേശകരമായ ഒരു പുതിയ വെല്ലുവിളി നൽകും. അവർക്കെതിരെ മത്സരിച്ചതിനാൽ, ഞാൻ ചേരുന്നത് എത്ര ശക്തമായ ഒരു നിരയിലേക്കാണെന്ന് എനിക്കറിയാം, പ്രധാന ട്രോഫികൾ നേടാനുള്ള യുണൈറ്റഡിന്റെ യാത്രയിൽ ഭാഗമാകുന്നതിൽ എനിക്ക് കാത്തിരിക്കാനാവില്ല.’
‘ഞാൻ അതിമോഹമുള്ളവനാണ്; പ്രധാന ട്രോഫികൾ നേടുന്നത് എത്ര അത്ഭുതകരമാണെന്ന് എനിക്കറിയാം, അത് ചെയ്യാൻ എന്താണ് വേണ്ടതെന്നു എനിക്കറിയാം, മാഞ്ചസ്റ്റർ യുണൈറ്റഡിനായി കിരീടം നേടാൻ ഞാൻ എന്റെ കഴിവിന്റെ പരമാവധി നൽകും.’ അദ്ദേഹം കൂട്ടിച്ചേർത്തു.
