സ്മാർട്ട്ഫോൺ ഉപയോക്താക്കൾക്കായി രണ്ട് സന്തോഷവാർത്തകളുമായിട്ടാണ് ജനപ്രിയ സ്മാർട്ട്ഫോൺ നിർമാതാക്കളായ റിയൽമി എത്തിയിരിക്കുന്നത്. റിയൽമി തങ്ങളുടെ നാർസോ സീരീസിലെ രണ്ട് സ്മാർട്ട്ഫോണുകൾ കൂടി ഇന്ത്യൻ വിപണിയിൽ അവതരിപ്പിച്ചിരിക്കുകയാണ്. ബജറ്റിലൊതുങ്ങുന്ന സ്മാർട്ട്ഫോൺ തിരഞ്ഞ് നടക്കുന്നവർ ഇനി തലപുകയ്ക്കേണ്ടതില്ല. ആകർഷകമായ വിലയിലാണ് റിയൽമി നാർസോ 60 5ജി ,നാർസോ 60 പ്രോ 5ജി എന്നീ ഫോണുകൾ രാജ്യത്ത് അവതരിപ്പിച്ചിരിക്കുന്നത്. അറിയാം കൂടുതൽ വിശേഷങ്ങൾ..
വിലയും ലഭ്യതയും
മറ്റ് നാർസോ സീരീസ് ഫോണുകളെ പോലെ കുറഞ്ഞ വിലയിൽ ഈ രണ്ട് ഫോണുകളും ലഭിക്കും. പുറകിൽ ഒരു വെഗൻ ലെതർ ഫിനിഷുമായിട്ടാണ് റിയൽമി നാർസോ 60 സീരീസിലെ രണ്ട് ഫോണുകളും വരുന്നത്. റിയൽമി നാർസോ 60 പ്രോ 5ജി സ്മാർട്ട്ഫോണിൽ 128 ജിബി സ്റ്റോറേജും 8 ജിബി റാമുമാണ് ഉള്ളത്. ഈ മോഡലിന് 23,999 രൂപയാണ് വരുന്നത്. ഫോണിന്റെ 12 ജിബി റാമും 1 ടിബി സ്റ്റോറേജുമുള്ള ഹൈഎൻഡ് വേരിയന്റിന് 29,999 രൂപ വിലയുണ്ട്. റിയൽമി നാർസോ 60 5ജി സ്മാർട്ട്ഫോണിന്റെ 8 ജിബി റാമും 128 ജിബി സ്റ്റോറേജുമുള്ള വേരിയന്റിന് 17,999 രൂപയാണ് വില. ഈ ഫോണിന്റെ 8 ജിബി റാമും 256 ജിബി സ്റ്റോറേജുമുള്ള വേരിയന്റിന് 19,999 രൂപ വിലയുമാണ്. ഫോണുകളുടെ വിൽപ്പന ജൂലൈ 15 മുതൽ ആണ് ആരംഭിക്കുക.
നാർസോ 60 പ്രോ 5ജി: ക്യാമറ സവിശേഷതകൾ
100 എംപി ഒഐഎസ് പ്രൈമറി ക്യാമറയ്ക്കൊപ്പം 8 എംപി അൾട്രാ വൈഡ് ക്യാമറ, 2 എംപി ടെർഷ്യറി സെൻസർ എന്നിവയടങ്ങുന്ന ഈ സ്മാർട്ട്ഫോണിൽ ട്രിപ്പിൾ ക്യാമറ സെറ്റപ്പാണുള്ളത്. 67w ചാർജിംഗ് സപ്പോർട്ടുള്ള 5000mAh ബാറ്ററിയുമുള്ള നാർസോ 60 പ്രോ 5ജിയിൽ വീഡിയോ കോളുകൾക്കും സെൽഫികൾക്കുമായി 16 എംപി ക്യാമറയുമുണ്ട്.
റിയൽമി നാർസോ 60 പ്രോ 5ജി: സവിശേഷതകൾ
120Hz റിഫ്രഷ് റേറ്റുള്ള 6.7-ഇഞ്ച് FHD+ അമോലെഡ് ഡിസ്പ്ലെയാണ്
റിയൽമി നാർസോ 60 പ്രോ 5ജി സ്മാർട്ട്ഫോണിന്റെ ഒരു സവിശേഷത. മീഡിയടെക് ഡൈമെൻസിറ്റി 7050 ചിപ്പ്സെറ്റിന്റെ സാന്നിധ്യത്തിൽ പ്രവർത്തിക്കുന്ന ഈ ഡിവൈസിൽ 12 ജിബി വരെ LPDDR4X റാമും1 ടിബി വരെ UFS 2.2 സ്റ്റോറേജുമാണുള്ളത്.
നാർസോ 60 5ജി: ക്യാമറ സവിശേഷതകൾ
64 എംപി പ്രൈമറി ക്യാമറയും 2 എംപി സെക്കന്ററി ക്യാമറയുമുള്ള ഫോണിൽ സെൽഫികൾക്കും വീഡിയോ കോളുകൾക്കുമായി 8 എംപി ഫ്രണ്ട് ക്യാമറയുമുണ്ട്. രണ്ട് പിൻ ക്യാമറകളാണ് ഡിവൈസിൽ വരുന്നത്. 33w ഫാസ്റ്റ് ചാർജിംഗ് സപ്പോർട്ടുമായി വരുന്ന റിയൽമി നാർസോ 60 5ജി സ്മാർട്ട്ഫോണിൽ 5000mAh ബാറ്ററിയാണുള്ളത്.
റിയൽമി നാർസോ 60 5ജി: സവിശേഷതകൾ
8 ജിബി വരെ റാമും 256 ജിബി വരെ സ്റ്റോറേജുമുള്ള ഈ ഡിവൈസിൽ
6.43ഇഞ്ച് FHD+ അമോലെഡ് ഡിസ്പ്ലെയാണുള്ളത്. മീഡിയടെക് ഡൈമെൻസിറ്റി 6020 എസ്ഒസിയുടെ ബലത്തിലാണ് റിയൽമി നാർസോ 60 5ജി പ്രവർത്തിക്കുന്നത്.
