മലയാള സിനിമയിലെ തന്നെ വളരെ കരുത്തുറ്റതും പ്രേക്ഷക സ്വീകാര്യതയുമുള്ള രണ്ട് നടന്മാരാണ് സുരേഷ് ഗോപിയും ബിജുമേനനും. ഇരുവരുടയും കൂട്ടായ്മയിൽ പുറത്തിറങ്ങിയ ചിത്രങ്ങളൊക്കെയും ഇരുകയ്യും നീട്ടിയാണ് പ്രേക്ഷകർ സ്വീകരിച്ചിട്ടുള്ളത്. മലയാളത്തിലെ എക്കാലത്തിലെയും ജനപ്രിയ ചിത്രങ്ങളായ ക്രിസ്ത്യൻ ബ്രദേഴ്സ്, ചിന്താമണി കൊലക്കേസ്, പ്രണയ വർണ്ണങ്ങൾ എന്നിങ്ങനെ നിരവധി ചിത്രങ്ങളാണ് ഇരുവരുടെയും മിന്നും പ്രകടനത്തിൽ ഗംഭീരമായത്.
പിന്നീട് ഇടക്കാലത്ത് താരജാഡകളേതുമില്ലാത്ത മലയാളികളുടെ പ്രിയ താരം സുരേഷ് ഗോപി വെള്ളിത്തിരയിൽ നിന്നും ചെറിയൊരു ഇടവേളയെടുത്തപ്പോൾ ഈ സമയം ബിജുമേനോൻ സിനിമ ജീവിതത്തിൽ കുറച്ചു കൂടി സജീവമാകുകയായിരുന്നു. നീണ്ട പതിമൂന്ന് വർഷത്തെ ഇടവേളയ്ക്ക് ശേഷമാണ് ഇരുവരും വീണ്ടും ഒന്നിച്ചെത്തുന്നത്. ഗരുഡൻ എന്ന ഗംഭീര ചിത്രത്തിലൂടെയാണ് ഇരുവരുടെയും മികച്ച പ്രകടനം വീണ്ടും ആരാധകർക്കു മുന്നിലെത്തുന്നത്.
നവാഗതനായ അരുൺ വർമ്മയുടെ സംവിധാനത്തിൽ ഒരുങ്ങുന്ന ഈ ചിത്രം മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനാണ് നിർമ്മിക്കുന്നത്. നിലവിൽ കൊച്ചിയിൽ ചിത്രീകരണം പുരോഗമിച്ചുകൊണ്ടിരിക്കുന്ന ചിത്രത്തിൽ ആദ്യം ജോയിൻ ചെയ്തത് സുരേഷ് ഗോപിയായിരുന്നു. ജിസ് ജോയ്മയുടെ സിനിമാ ചിത്രീകരണം പൂർത്തിയാക്കിയതിന് ശേഷമാണ് ബിജു മേനോൻ ഇതിൽ പങ്കാളിയായത്. വലിയൊരു ജനപങ്കാളിത്തമുള്ള ഒരു രംഗമാണ് ഇവിടെ ചിത്രീകരിച്ചത്. എസ്.പി ഹരീഷ് മാധവ് എന്ന കഥാപാത്രത്തെയാണ് സുരേഷ് ഗോപി ചിത്രത്തിൽ അവതരിപ്പിക്കുന്നത്.
ചിത്രത്തിൽ കൊമേഴ്സ് വിഭാഗം മേധാവി പ്രൊഫസർ നിഷാന്ത് എന്ന കഥാപാത്രത്തെയാണ് ഇവിടെ ബിജു മേനോൻ അവതരിപ്പിക്കുന്നത്. ലീഗൽ ത്രില്ലർ ചിത്രമായ ഗരുഡനിൽ പോലീസ് ഉദ്യോഗസ്ഥനും ഒരു അദ്ധ്യാപകനും തമ്മിലുള്ള നിയമ പോരാട്ടത്തിന്റെ കഥയാണ് ഈ ചിത്രത്തിലൂടെ അവതരിപ്പിക്കുന്നത്. പ്രേക്ഷകരെ ആകാംഷയുടെ മുൾമുനയിൽ നിർത്തിക്കൊണ്ടുള്ള ഒരു പോരാട്ടമാണ് ചിത്രത്തിൽ ഉടനീളം ഉള്ളത്. ഇരുവരുടെയും ഗംഭീര അഭിനയത്തിനും വളരെ വലിയ പ്രേക്ഷക സ്വീകാര്യതയായിരിക്കും ലഭിക്കുക എന്നാണ് പ്രതീക്ഷ.
Comments