നിങ്ങൾ വിവാഹിതരാണോ? സ്വസ്ഥമായ വിശ്രമ ജീവിതം നയിക്കാൻ പദ്ധതിയിടുന്നവരാണെങ്കിൽ നിങ്ങൾക്ക് ‘പ്രധാൻ മന്ത്രി ശ്രം യോഗി മാൻ-ധൻ’ സഹായമായേക്കാം. മോദി സർക്കാർ കൊണ്ടു വന്ന പ്രധാനമന്ത്രി ശ്രം യോഗി മാൻ-ധൻ (PM-SYM) എന്ന പദ്ധതി 2019ലാണ് തൊഴിൽ മന്ത്രാലയം പുറത്തിറക്കിയത്. പ്രതിമാസം 200 രൂപ നിക്ഷേപിച്ചാൽ വിവാഹിതരായ ദമ്പതികൾക്ക് 72,000 രൂപ വാർഷിക പെൻഷൻ ലഭിക്കുന്ന് പദ്ധതിയാണിത്.
ആർക്കെല്ലാം ഈ പദ്ധതിയിൽ ചേരാം..?
- വഴിയോര കച്ചവടക്കാർ
- റിക്ഷാ ഡ്രൈവർമാർ
- കർഷക തൊഴിലാളികൾ
- ഉച്ചഭക്ഷണ തൊഴിലാളികൾ
- നിർമ്മാണ തൊഴിലാളികൾ
- ഹെഡ് ലോഡറുകൾ
- ഇഷ്ടിക ചൂളയിലെ തൊഴിലാളികൾ
- ബീഡി തൊഴിലാളികൾ
- കൈത്തറി തൊഴിലാളികൾ
- തുകൽ തൊഴിലാളികൾ
- അസംഘടിത മേഖലയിലെ മറ്റുള്ളവർ
അപേക്ഷകരുടെ പ്രതിമാസ വരുമാനം 15,000 രൂപയോ അതിൽ താഴെയോ ആയിരിക്കണം. 18-40 വയസ്സ് പ്രായമുള്ളവർക്ക് സ്കീമിനായി അപേക്ഷിക്കാവുന്നതാണ്.
പെൻഷൻ ലഭിക്കുന്ന വിധം
ഉദാഹരണമായി ദമ്പതികളിലൊരാൾക്ക് 30 വയസുണ്ടെന്ന് കരുതുക. പദ്ധതി പ്രകാരം ഒരാളുടെ പ്രതിമാസ വിഹിതം 100 രൂപയാണെങ്കിൽ ദമ്പതികൾ ചേർന്ന് 200 രൂപ നൽകുമ്പോൾ വർഷത്തിൽ വ്യക്തിഗത സംഭാവന 1200 ആവുന്നു. 60 വയസ്സ് കഴിഞ്ഞാൽ ഒരു വ്യക്തിക്ക് പ്രതിവർഷം 36,000 രൂപ പെൻഷനായി ലഭിക്കും. അതായത് ദമ്പതികൾക്ക് 72,000 രൂപ വാർഷിക പെൻഷൻ എന്ന നിരക്കിൽ..
എങ്ങനെ എൻറോൾ ചെയ്യാം..?
പ്രധാനമന്ത്രി ശ്രം യോഗി മാൻ-ധൻ (PM -SYM) സ്കീമിലേക്ക് എൻറോൾ ചെയ്യാൻ മൊബൈൽ ഫോൺ, സേവിംഗ്സ് ബാങ്ക് അക്കൗണ്ട്, ആധാർ നമ്പർ എന്നിവ ആവശ്യമാണ്. യോഗ്യതയുള്ള അപേക്ഷകർക്ക് ഏറ്റവും അടുത്തുള്ള CSCകൾ സന്ദർശിക്കാം. ആധാർ നമ്പറും സേവിംഗ്സ് ബാങ്ക് അക്കൗണ്ട്/ജൻ-ധൻ അക്കൗണ്ട് നമ്പറും ഉപയോഗിച്ച് എൻറോൾ ചെയ്യാൻ സാധിക്കും
