ധാക്ക : റോഹിംഗ്യൻ ഭീകര സംഘടനയായ അരകൻ റോഹിംഗ്യ സാൽവേഷൻ ആർമി നേതാവായ അബ്ദുൾ ഹുസൈൻ മാജി കൊല്ലപ്പെട്ടു . കോക്സ് ബസാറിലെ ഉഖിയ റോഹിംഗ്യൻ ക്യാമ്പിൽ സായുധ പോലീസ് ബറ്റാലിയനുമായുള്ള വെടിവെപ്പിലാണ് മാജി കൊല്ലപ്പെട്ടത് . ആയുധങ്ങളും വെടിയുണ്ടകളും വാക്കി ടോക്കികളും മൊബൈലുകളും സിമ്മുകളും ഇയാളിൽ നിന്ന് വൻതോതിൽ കണ്ടെടുത്തു.
തിങ്കളാഴ്ച രാവിലെ 7 മണിയോടെ ഉഖിയ 17 നമ്പർ ക്യാമ്പിലാണ് വെടിവെപ്പുണ്ടായതെന്ന് അഡീഷണൽ ഡിഐജി സയ്യിദ് ഹാരുൺ ഉർ റാഷിദ് പറഞ്ഞു .തിങ്കളാഴ്ച രാവിലെ ക്യാമ്പ് -17 ന് അടുത്തായി എആർഎസ്എ ഭീകരർ ഉള്ളതായി വിവരം ലഭിച്ചതിനെത്തുടർന്ന് എപിബിഎൻ ചുറ്റുമുള്ള പ്രദേശം വളഞ്ഞതായി റാഷിദ് പറഞ്ഞു പറഞ്ഞു. ആ സമയം ഭീകരർ പോലീസിന് നേരെ വെടിയുതിർക്കുകയായിരുന്നു. ഈ സമയത്ത്, എപിബിഎൻ തിരിച്ചടിക്കുകയായിരുന്നു .
മരിച്ച ഹുസൈൻ മാജി ഒന്നിലധികം കൊലപാതക കേസുകളിൽ പ്രതിയാണെന്നും പോലീസ് പറഞ്ഞു . ബാക്കിയുള്ള ഭീകരരെ പിടികൂടാനുള്ള ശ്രമം തുടരുകയാണ്.മ്യാൻമറിലെ തീവ്രവാദ സംഘടനയായ അരകൻ റോഹിംഗ്യ സാൽവേഷൻ ആർമിയെ പിന്തുണയ്ക്കുന്നത് പാകിസ്താന്റെ ഐഎസ്ഐയാണ് . . പാക് രഹസ്യാന്വേഷണ ഏജൻസിയായ ഇന്റർ സർവീസസ് ഇന്റലിജൻസുമായും തെഹ്രീക്-ഇ-താലിബാൻ പാകിസ്താൻ പോലുള്ള ഭീകരസംഘടനകളുമായും അരകൻ റോഹിംഗ്യ സാൽവേഷൻ ആർമി ബന്ധപ്പെടുന്നുണ്ട് .
