തൃശൂർ: സുരേഷ് ഗോപി നിർമ്മാണം പൂർത്തിയാക്കമെന്ന് വാഗ്ദാനം നൽകിയ നന്മ വീടിന്റെ തേപ്പ് ജോലികൾ സൗജ്യമായി ചെയ്തു നൽകി ഒരുകൂട്ടം ചെറുപ്പക്കാർ. ജപ്തിയുടെ വക്കിലെത്തിയ കണ്ണന്റെ വീട് ഇടിഞ്ഞുപ്പൊളിഞ്ഞ് ശോച്യാവസ്ഥയിലായിരുന്നു. വിവരം അറിഞ്ഞ് നാട്ടിക എകെജി കോളനിയിലെ കണ്ണന്റെ വീട്ടിലെത്തിയ സുരേഷ് ഗോപി വീടിന്റെ അവശേഷിക്കുന്ന പണികൾ പൂർത്തിയാക്കമെന്ന് വാഗ്ദാനം നൽകുകയായിരുന്നു. ജപ്തി ഒഴിവാക്കാൻ വേണ്ട നടപടികളും താരം സ്വീകരിച്ചു.
പിന്നാലെ നടന്റെ പിന്തുണയോടെ പുതിയ വീടിന് വേണ്ടിയുള്ള പണിയും ആരംഭിച്ചു. ഇപ്പോഴിതാ വീടിന്റെ വാർപ്പ് കഴിഞ്ഞെന്ന് അറിഞ്ഞ ഒരു കൂട്ടം ചെറുപ്പക്കാർ വീടിന്റെ തേപ്പ് സൗജന്യമായി നൽകാമെന്ന് ഏൽക്കുകയായിരുന്നു.ഇതിന് വേണ്ടി എം സാൻഡ് ഋഷി എന്ന മെഡിക്കൽ റെപ്പും, സിമന്റ് വേളയിൽ ട്രേഡേഴ്സും സ്പോൺസർ ചെയ്തു.
തളിക്കുളം സ്വദേശികളായ ശരവണൻ, ഷിജു, രാഗേഷ് എന്നിവർ രാവിലെയെത്തി പണി ആരംഭിച്ചു. പിന്നാലെ ഇവർക്കുള്ള ഭക്ഷണപ്പൊതികളുമായി നാട്ടിക എസ്എൻ ട്രസ്റ്റിലെ എൻഎസ്എസ് വാളന്റിയർമാരായ അനന്തകൃഷ്ണനും ദേവദത്തനും അക്ഷിതയും അനാമികയും ഉൾപ്പെടെയുള്ള സംഘമെത്തുകയായിരുന്നു.
Comments