വീട് നിർമ്മാണത്തിൽ വാസ്തുവിന് പ്രാധാന്യം നൽകാറുണ്ട്. എന്നാൽ വീട് നിർമ്മാണം കഴിഞ്ഞാൽ പിന്നെ പലരും വാസ്തുവിദ്യയെ പരിഗണിക്കാറില്ല. സാമ്പത്തികമായി പ്രശ്നങ്ങൾ നേരിടുന്നെണ്ടെങ്കിൽ വാസ്തു പ്രകാരമുള്ള ചില കാര്യങ്ങൾ പരീക്ഷിച്ച് നോക്കാവുന്നതാണ്.
വാസ്തു ശാസ്ത്രമനുസരിച്ച് വീടിന്റെ കിഴക്ക്, വടക്ക് കിഴക്ക് ദിശകളുമായി ഒരാളുടെ സാമ്പത്തിക പുരോഗതി ബന്ധപ്പെട്ടിരിക്കുന്നു. ഈ ദിശകളില് വാസ്തു ദോഷമുണ്ടെങ്കില് സാമ്പത്തിക പ്രശ്നങ്ങൾ നേരിടേണ്ടി വരുമെന്നാണ് വാസ്തുവിൽ പറയുന്നത്. വീടിന്റെ വടക്ക് ദിശയില് വെള്ളി നാണയം വച്ച ഒരു ഗ്ലാസ് പാത്രം സൂക്ഷിക്കുന്നത് ശുഭകരമാണ്. ഇത് സാമ്പത്തിക വർദ്ധനവിന് കാരണമായേക്കും. ഇതിലൂടെ ധനലക്ഷ്മിയുടെ അനുഗ്രഹം വീടിനുണ്ടാകുമെന്നാണ് വിശ്വാസം.
വീടിന്റെ വടക്ക് ദിശയില് തുളസി നടുന്നത് സാമ്പത്തികാഭിവൃദ്ധി നേടുന്നതിനും സഹായകമായേക്കും. ഇതേ ദിശയില് ഒരു നെല്ലിക്ക മരമുണ്ടെങ്കില് വരുമാനത്തിന്റെ ഉറവിടങ്ങള് വർദ്ധിക്കുമെന്നാണ് പറയപ്പെടുന്നത്. വീടിന്റെ വടക്ക് -കിഴക്ക് ദിശയില് ഗണപതിയുടെയും ലക്ഷ്മി ദേവിയുടെയും വിഗ്രഹം സ്ഥാപിക്കുന്നതും ഗുണകരമാകും. ഇവിടെ ദിവസവും വിളക്ക് വയ്ക്കാവുന്നതാണ്. അതിലൂടെ സാമ്പത്തിക ദോഷങ്ങൾ അകലുമെന്നാണ് വിശ്വാസം. വടക്ക് ദിശയുടെ അധിപനാണ് കുബേരനെന്നതിനാൽ വീടിന്റെ വടക്ക് ദിശയില് പണപ്പെട്ടിയോ പേഴ്സോ സൂക്ഷിക്കുന്നതും നല്ലതാണെന്നാണ് വാസ്തുശാസ്ത്രത്തിൽ പറയുന്നത്.
