അമരാവതി: തിരുപ്പതി വെങ്കിടാചലപതി ക്ഷേത്രത്തിൽ ദർശനം നടത്തി ഐഎസ്ആർഒയിലെ ശാസ്ത്രജ്ഞസംഘം. ചന്ദ്രയാൻ -3 ന്റെ ചെറിയ പതിപ്പുമായെത്തിയായിരുന്നു സംഘത്തിന്റെ ക്ഷേത്ര ദർശനം. രാജ്യം ഏറെ പ്രതീക്ഷയോടെ ഉറ്റുനോക്കുന്ന ചന്ദ്രയാൻ മൂന്നിന്റെ വിക്ഷേപണത്തിന് മുന്നോടിയായാണ് ദർശനം.
#WATCH | Andhra Pradesh | A team of ISRO scientists team arrive at Tirupati Venkatachalapathy Temple, with a miniature model of Chandrayaan-3 to offer prayers.
Chandrayaan-3 will be launched on July 14, at 2:35 pm IST from Satish Dhawan Space Centre, Sriharikota, ISRO had… pic.twitter.com/2ZRefjrzA5
— ANI (@ANI) July 13, 2023
“>
ജൂലൈ 14-ന് ഉച്ചകഴിഞ്ഞ് 2:35-ന് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്നാകും ചന്ദ്രയാൻ മൂന്ന് കുതിക്കുക. തുടർന്ന് 45 ദിവസത്തിനുള്ളിൽ പേടകം ചന്ദ്രോപരിത്തലത്തിൽ ഇറങ്ങുമെന്ന് ഇസ്രോ അറിയിച്ചു. ഭൂമിയെ അഞ്ച് പ്രാവശ്യം വലം വെച്ച് ഭ്രമണപഥത്തിൽ നിന്നാകും ചന്ദ്രയാൻ ദൗത്യത്തിലേക്ക് നീങ്ങുക. തദ്ദേശീയമായി വികസിപ്പിച്ചെടുത്ത ലാൻഡർ മൊഡ്യൂൾ, പ്രൊപ്പൽഷൻ മൊഡ്യൂൾ, റോവർ എന്നിവയാണ് ചന്ദ്രയാൻ മൂന്നിന്റെ പ്രധാന ഭാഗങ്ങൾ. ഈ മൂന്ന് ഘടകങ്ങൾക്കും കൂടി 3,900 കിലോഗ്രാം ഭാരമാണുള്ളത്.
റോവറിന്റെ നാല് ചക്രങ്ങളിൽ രണ്ടെണ്ണത്തിൽ ദേശീയ മുദ്രയും മറ്റ് രണ്ടെണ്ണത്തിൽ ഐഎസ്ആർഒയുടെ മുദ്രയും ആലേഖനം ചെയ്തിട്ടുണ്ട്. പര്യവേഷണ വാഹനം സഞ്ചരിക്കുമ്പോൾ ഈ മുദ്രകൾ ചന്ദ്രോപരിതലത്തിൽ പതിയുന്ന തരത്തിലാണ് ഇതിന്റെ രൂപകൽപ്പന. അശോക സ്തംഭവും ഇസ്രോ മുദ്രയും 500 മീറ്റർ ദൂരമുള്ള ലാൻഡിംഗ് സൈറ്റിൽ പതിയും. ഇതോടെ ഭൂമിയ്ക്ക് പുറത്തുള്ള ഒരു ഗോളത്തിൽ ഇന്ത്യൻ മുദ്ര പതിയാൻ പോകുന്നതിന്റെ ആകാംക്ഷയിലാണ് ലോകം.
Comments