അടുത്തിടെയാണ് സാംസംഗ് ഗാലക്സി എം34 5ജി സ്മാർട്ട്ഫോൺ അവതരിപ്പിച്ചത്. ഇപ്പോഴിതാ സാംസംഗ് ഗാലക്സി എം33 5ജിയുടെ വിലക്കുറച്ചാണ് കമ്പനി രംഗത്തെത്തിരിക്കുന്നത്. രണ്ട് വേരിയന്റുകളിലായാണ് ഈ മിഡ്റേഞ്ച് സ്മാർട്ട്ഫോൺ ലഭിക്കുന്നത്. 8 ജിബി റാമും 128 ജിബി സ്റ്റോറേജുമുള്ള സ്മാർട്ട് ഫോണിന് 20,499 രൂപയായിരുന്നു വില. എന്നാൽ ഇനി 18,499 രൂപയ്ക്കാണ് സ്മാർട്ട്ഫോൺ വിപണിയിലെത്തുക. 6 ജിബി റാമും 128 ജിബി സ്റ്റോറേജുമുള്ള വേരിയന്റ് പഴയ വിലയിൽ തന്നെ വിൽപ്പന നടത്തും. ഡീപ് ഓഷ്യൻ ബ്ലൂ, മിസ്റ്റിക് ഗ്രീൻ, എമറാൾഡ് ബ്രൗൺ എന്നീ നിറങ്ങളിൽ സാംസഗ് ഗാലക്സി എം33 5ജി ലഭ്യമാണ്.
ഓഫറുകൾ
സാംസംഗ് ഷോപ്പ് ആപ്പിലൂടെ ഫോൺ വാങ്ങുകയാണെങ്കിൽ 2,000 രൂപ കിഴിവും ലഭിക്കുന്നതാണ്. ആക്സിസ് ബാങ്ക് ക്രെഡിറ്റ് കാർഡ് ഉടമകൾക്ക് ഇഎംഐയിൽ 10 ശതമാനം അധിക ക്യാഷ്ബാക്കും നൽകുന്നുണ്ട്. എച്ച്ഡിഎഫ്സി ബാങ്ക് ക്രെഡിറ്റ്, ഡെബിറ്റ് കാർഡുകൾ ഉപയോഗിച്ച് സ്മാർട്ട്ഫോൺ വാങ്ങുകയാണെങ്കിൽ 1,000 രൂപ ഇൻസ്റ്റന്റ് ഡിസ്കൗണ്ട് ലഭിക്കും.പ്രതിമാസം 3,078 രൂപ അടവ് വരുന്ന നോ-കോസ്റ്റ് ഇഎംഐ ഓപ്ഷനും ഈ സ്മാർട്ട്ഫോണിന് ലഭ്യമാണ്.
