എറണാകുളം: കേരളാ രഞ്ജി ടീം മുൻ ക്യാപ്റ്റനും കേരളത്തിലെ ഏറ്റവും മികച്ച ബാറ്റർമാരിലൊരാളായ കെ ജയറാം(68) അന്തരിച്ചു. പനി ബാധിച്ച് കുറച്ചുദിവസമായി ചികിത്സയിലായിരുന്നു. ഹൃദയസ്തംഭനം മൂലം കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.
ഫസ്റ്റ് ക്ലാസ് ക്രിക്കറ്റിൽ കേരളത്തിനായി 46 മത്സരങ്ങളിൽ നിന്നായി അഞ്ച് സെഞ്ച്വറികളും 10 അർദ്ധ സെഞ്ചുറികളുമടക്കം 2358 റൺസ് നേടിയിട്ടുണ്ട്. രഞ്ജി ട്രോഫിയിൽ ഒരു സീസണിൽ നാല് സെഞ്ച്വറികൾ നേടുന്ന താരമെന്ന റെക്കോഡ് ഇപ്പോഴും താരത്തിന്റെ പേരിലാണ്. 1973-74 സീസണിൽ 17-ാം വയസിലായിരുന്നു രഞ്ജി ടീമിലേക്ക് ക്ഷണം ലഭിക്കുന്നത്. എന്നാൽ അരങ്ങേറ്റം കുറിക്കാനായത് നാലു വർഷത്തിനു ശേഷം 1977-78 സീസണിലായിരുന്നു.
