ഒരു വൈദ്യുതി ബില്ലിനെ കുറിച്ചുള്ള സംശങ്ങൾ നിരവധിയാണ്. ഇതിൽ പ്രധാനമായി പലർക്കുമുള്ള സംശയമാണ് ബില്ല് അടച്ചില്ലെങ്കിൽ എന്തുകൊണ്ടാണ് യാതൊരു തരത്തിലുള്ള നിർദ്ദേശങ്ങളും നൽകാതെ ഫ്യൂസ് ഊരാൻ എത്തുന്നതെന്ന്. ഇത്തരത്തിൽ വൈദ്യുതി ബില്ലിനെ കുറിച്ചുള്ള സംശയങ്ങൾക്കുള്ള മറുപടിയുമായി കെ എസ് ഇ ബി തന്നെ എത്തിയിരിക്കുകയാണ്.
ഒരു ഡിമാൻഡ് കം ഡിസ്കണക്ഷൻ നോട്ടീസ് ആയാണ് കെ എസ് ഇ ബി ഉപഭോക്താക്കൾക്ക് വൈദ്യുതി ബിൽ നൽകുന്നത്. ഉപഭോക്താവിന്റെ പേര്, കൺസ്യൂമർ നമ്പർ, ബില്ലിംഗ് കാലയളവ്, മുൻപത്തെയും ഇപ്പോഴത്തെയും റീഡിംഗുകൾ, ബിൽ തയ്യാറാക്കിയ തീയതി, പിഴകൂടാതെ പണമടയ്ക്കാവുന്ന അവസാന തീയതി, വൈദ്യുതി വിച്ഛേദിക്കാതിരിക്കാൻ പണമടയ്ക്കേണ്ട അവസാന തീയതി തുടങ്ങിയ വിവരങ്ങൾ വ്യക്തമായി ഓരോ ബില്ലിലും രേഖപ്പെടുത്തിയിരിക്കും.
ഉപഭോക്താവിന് ബില്ല് കിട്ടിക്കഴിഞ്ഞാൽ പത്ത് ദിവസത്തിനുള്ളിൽ പിഴ കൂടാതെ പണമടയ്ക്കാം. തുടർന്നുള്ള 15 ദിവസം ഓരോ ഉപഭോക്താവും പിഴയോടുകൂടിയാണ് ബില്ലടയ്ക്കുന്നത്. 2014 ലെ കേരള ഇലക്ട്രിസിറ്റി സപ്ലൈ കോഡിന്റെ 122, 123 റെഗുലേഷനുകളനുസരിച്ചാണ് കെ എസ് ഇ ബി ബിൽ തയ്യാറാക്കുന്നത്.
ഇതിൽ പ്രധാനമായി അറിഞ്ഞിരിക്കേണ്ട ഒരു കാര്യങ്ങൾ കൃത്യമായി രേഖപ്പെടുത്തിയാണ് നൽകുന്നത്. ബിൽ തയ്യാറാക്കിയ തീയതി, പിഴകൂടാതെ പണമടയ്ക്കാവുന്ന അവസാന തീയതി, വൈദ്യുതി വിച്ഛേദിക്കാതിരിക്കാൻ പണമടയ്ക്കേണ്ട അവസാന തീയതി തുടങ്ങിയ വിവരങ്ങൾ ഉൾപ്പെടുത്തിയ ഡിമാൻഡ് കം ഡിസ്കണക്ഷൻ നോട്ടീസ് ആണ് ഉപഭോക്താവിന് നൽകുന്നത്. ആയതിനാൽതന്നെ വൈദ്യുതി ബിൽ കുടിശ്ശിക വരുത്തുന്ന പക്ഷം കണക്ഷൻ വിച്ഛേദിക്കുന്നതിന് മറ്റൊരു ഡിസ്കണക്ഷൻ നോട്ടീസ് നൽകേണ്ടതില്ലെന്നും ബില്ലിൽ തന്നെ മുന്നറിയിപ്പ് നൽകുന്നുണ്ട്. ഈ വിവരം കെ എസ് ഇ ബി ഫേസ്ബുക്ക് പോസ്റ്റിലൂടെയും അറിയിച്ചു.
