പെന്റഗണിനെ മറികടന്ന് ‘ഡയമണ്ട് ബോഴ്സ്’: ലോകത്തെ ഏറ്റവും വലിയ ഓഫീസ് സമുച്ചയം ഇന്ത്യയിൽ; അഭിനന്ദിച്ച് പ്രധാനമന്ത്രി

ന്യൂഡൽഹി: പെന്റഗണിനെ മറികടന്ന് ലോകത്തിലെ ഏറ്റവും വലിയ ഓഫീസ് സമുച്ചയമായി സൂറത്തിലെ കെട്ടിടം മാറുമെന്ന വാർത്തയോട് പ്രതികരിച്ച് പ്രധാനമന്ത്രി നരേന്ദ്രമോദി. സൂറത്തിലെ വജ്ര വ്യവസായത്തിന്റെ വളർച്ചയെയും പ്രതിനിധാനം ചെയ്യുന്നതാണ് ഈ കെട്ടിടമെന്നും പ്രധാനമന്ത്രി പറഞ്ഞു. ഇന്ത്യയുടെ സംരംഭകത്വ മനോഭാവത്തിന്റെ തെളിവാണിത്. രാജ്യത്തെ സമ്പദ്ഘടന വർദ്ധിപ്പിക്കുന്നതിനും തൊഴിലവസരങ്ങൾ സൃഷ്ടിക്കുന്നതിനും ഡയമണ്ട് ബോഴ്‌സ് വലിയ സ്ഥാനം വഹിക്കുമെന്നും പ്രധാനമന്ത്രി ട്വിറ്ററിൽ കുറിച്ചു.

Surat Diamond Bourse showcases the dynamism and growth of Surat’s diamond industry. It is also a testament to India’s entrepreneurial spirit. It will serve as a hub for trade, innovation and collaboration, further boosting our economy and creating employment opportunities. https://t.co/rBkvYdBhXv

— Narendra Modi (@narendramodi) July 19, 2023

“>

സൂറത്തിൽ ഡയമണ്ട് ബോഴ്‌സ് എന്ന് പേരിട്ടിരിക്കുന്ന കെട്ടിടത്തിൽ കട്ടർ, പോളിഷർ, വ്യാപാരികൾ എന്നിവരുൾപ്പെടെ 65,000-ലധികം വജ്ര പ്രൊഫഷണലുകൾക്ക് ഒരേ സമയം പ്രവർത്തിക്കാനാകും. നവംബറിൽ പ്രധാനമന്ത്രി കെട്ടിടം ഉദ്ഘാടനം ചെയ്യുമെന്നാണ് റിപ്പോർട്ട്. 35 ഏക്കർ സ്ഥലത്ത് വ്യാപിച്ചുകിടക്കുന്ന കെട്ടിട സമുച്ഛയത്തിൽ 15 നിലകളുള്ള 9 കെട്ടിടങ്ങളാണ് ഉള്ളത്. കെട്ടിടങ്ങൾക്കെല്ലാം ചതുരാകൃതിയാണ്. ഇവയെ ഒരു പ്രധാനകേന്ദ്രത്തിലൂടെ ബന്ധിപ്പിച്ചിട്ടുമുണ്ട്.

7.1 ദശലക്ഷം ചതുരശ്ര അടി ഫ്‌ളോർ സ്‌പേസ് ഉൾക്കൊള്ളുന്ന കെട്ടിടം കൂടിയാണ് ഇത്. നാല് വർഷം കൊണ്ടാണ് കെട്ടിടത്തിന്റെ പണി പൂർത്തിയാക്കിയത്. രത്‌നങ്ങളുടെ തലസ്ഥാനമെന്നാണ് സൂറത്ത് അറിയപ്പെടുന്നത്. ലോകത്തെ 90 ശതമാനം വജ്രങ്ങളും ഇവിടെ ചെത്തിമിനുക്കപ്പെടുന്നു എന്നാണ് റിപ്പോർട്ട്. 35 ഏക്കറിൽ വ്യാപിച്ച് കിടക്കുന്ന ഡയമണ്ട് ബോഴ്‌സ് ഇവിടെ വന്നതോട് കൂടി കഴിഞ്ഞ 80 വർഷമായി പെന്റഗൺ കരസ്ഥമാക്കിയ റെക്കോർഡാണ് തിരുത്തപ്പെടുന്നത്.