തിരുവനന്തപുരം: മുതലപ്പൊഴിയിൽ വീണ്ടും മത്സ്യബന്ധന വള്ളം നിയന്ത്രണം വിട്ട് പുലിമുട്ടിലേക്ക് ഇടിച്ചു കയറി. വളളത്തിൽ നിന്ന് കടലിൽ വീണ മത്സ്യതൊഴിലാളികളായ അഭി, മൊയ്തീൻ, എന്നിവർ നീന്തി കരക്കെത്തി.
ഇന്ന് രാവിലെ 7 മണിയോടെയാണ് മുതലപ്പൊഴിയിൽ മത്സ്യബന്ധന വള്ളം നിയന്ത്രണം വിട്ട് പുലിമുട്ടിലേക്ക് ഇടിച്ചു കയറിയത്. വള്ളം പുലിമൂട്ടിലേക്ക് ഇടിച്ചുകയറിയതിന് പിന്നാലെ മത്സ്യത്തൊഴിലാളികൾ കടലിലേക്ക് വീഴുകയും പിന്നീട് നീന്തി കയറുകയുമായിരുന്നു. പുതുക്കുറിച്ചി സ്വദേശി അനിലിന്റെ ഉടസ്ഥതയിലുള്ള വള്ളമാണ് അപകടത്തിൽപ്പെട്ടത്. മറ്റ് മത്സ്യത്തൊഴിലാളികളുടെ വള്ളമെത്തി അപകടത്തിൽപ്പെട്ട വള്ളം കെട്ടി വലിച്ച് മുതലപ്പൊഴി ഹാർബറിൽ എത്തിക്കുകയായിരുന്നു.
മുതലപ്പൊഴി അപകടത്തിൽ നാലു പേരുടെ ജീവൻ നഷ്ടമായി ആഴ്ചകൾക്ക് ശേഷമാണ് ഇപ്പോൾ വീണ്ടും അപകടമുണ്ടായിരിക്കുന്നത്. ആരുടെയും ജീവൻ നഷ്ടമായില്ലെങ്കിലും വീണ്ടും ഉണ്ടായ അപകടം മത്സ്യത്തൊഴിലാളികൾക്കിടയിൽ ആശങ്ക വർദ്ധിപ്പിക്കുന്നു.
