ബാലി: ഇന്തോനേഷ്യയിലെ ജിമ്മിൽ വ്യായാമം ചെയ്യുന്നതിനിടെ യുവാവിന് ദാരുണാന്ത്യം. ഫിറ്റ്നസ് ഇൻഫ്ളുവൻസർ ജസ്റ്റിൻ വിക്കിയുടെ ശരീരത്തിലേക്കാണ് 210 കിലോഗ്രാം ബാർബെൽ വീണത്.
ബാർബെൽ ഉപയോഗിച്ച് സ്ക്വാട്ട് ചെയ്യുന്നതിനിടെ നിവർന്ന് നിൽക്കാൻ ശ്രമിച്ചതാണ് ബാലൻസ് തെറ്റി താഴെ വീഴാൻ കാരണമായത്. ഇതോടെ ഭാരം ഘടിപ്പിച്ച ബാർബെൽ ജസ്റ്റിന്റെ കഴുത്തിലേക്ക് പതിക്കുകയായിരുന്നു. കഴുത്തൊടിഞ്ഞ ജസ്റ്റിനെ ആശുപത്രിയിൽ പ്രവേശിപ്പിച്ചെങ്കിയും ജീവൻ രക്ഷിക്കാൻ കഴിഞ്ഞില്ല. അതേസമയം ജസ്റ്റിന് ആദരാഞ്ജലികൾ അർപ്പിച്ചുകൊണ്ട് നിരവധിപേരാണ് എത്തിയത്.
