യുജിസി നെറ്റ് 2023 ഫലം പ്രസിദ്ധീകരിച്ചു. ജൂൺ സെഷനിൽ പരീക്ഷ എഴുതിയവരുടെ ഫലമാണ് പുറത്തുവിട്ടത്. ഔദ്യോഗിക വെബ്സൈറ്റായ https://ugcnet.nta.nic.in ൽ പ്രവേശിച്ച് ഫലം അറിയാം.ജൂണിൽ രണ്ടുഘട്ടമായിട്ടായിരുന്നു പരീക്ഷ. 13 മുതൽ 17 വരെയായിരുന്നു ആദ്യ ഘട്ടം. ജൂൺ 19 മുതൽ 22 വരെയായിരുന്നു രണ്ടാം ഘട്ട പരീക്ഷ നടത്തിയത്. ജൂലൈ ആറിനായിരുന്നു താത്കാലിക ഉത്തര സൂചിക നാഷണൽ ടെസ്റ്റിങ് ഏജൻസി പുറത്തുവിട്ടത്.
ഓരോ ശരിയായ ഉത്തരത്തിനും രണ്ടുമാർക്ക് വീതമാണ് നൽകിയത്. ഉത്തരമെഴുതാതെ വിട്ടുകളഞ്ഞ ചോദ്യത്തിന് പൂജ്യം മാർക്ക്. തെറ്റായ ഉത്തരത്തിന് നെഗറ്റീവ് മാർക്ക് ഇല്ല. ഇക്കണോമിക്സിൽ ജനറൽ വിഭാഗത്തിന് 170 മാർക്കാണ് കട്ട് ഓഫ്. സംവരണ വിഭാഗങ്ങൾക്ക് കട്ട് ഓഫ് മാർക്കിൽ ആനുപാതികമായി ഇളവുണ്ട്. ഒബിസിക്ക് 152, ഇഡബ്ല്യൂഎസിന് 154 എന്നിങ്ങനെയാണ് കട്ട് ഓഫ് മാർക്ക്. സൈക്കോളജിയിൽ ജനറൽ വിഭാഗത്തിന് 194 ആണ് കട്ട് ഓഫ് മാർക്ക്. ഒബിസി 176, ഇഡബ്ല്യൂഎസ് 176 എന്നിങ്ങനെയാണ് കട്ട് ഓഫ് മാർക്ക്.
പരീക്ഷാഫലം അറിയാൻ:-
* ഔദ്യോഗിക വെബ്സൈറ്റായ https://ugcnet.nta.nic.in/ൽ പ്രവേശിക്കുക
* ജൂൺ 2023 സ്കോർ കാർഡ് ലിങ്കിൽ ക്ലിക്ക് ചെയ്യുക
* ആപ്ലിക്കേഷൻ നമ്പറും ജനനത്തീയതിയും സെക്യൂരിറ്റി പിനും നൽകുക
* സബ്മിറ്റ് ബട്ടൺ അമർത്തുന്നതോടെ ഫലം അറിയാം
* സർട്ടിഫിക്കറ്റ് ഡൗൺലോഡ് ചെയ്യാൻ ecertificate.nta.ac.in ൽ പ്രവേശിക്കുക
* പരീക്ഷാ പേര് നൽകുക
* റോൾ നമ്പർ, ആപ്ലിക്കേഷൻ നമ്പർ അടക്കമുള്ള വിവരങ്ങൾ നൽകി സബ്മിറ്റ് ബട്ടൺ അമർത്തുന്നതോടെ, ഇ- സർട്ടിഫിക്കറ്റ് സ്ക്രീനിൽ തെളിഞ്ഞ് വരും
