തിരുവനന്തപുരം: മുതലപ്പൊഴിയിൽ നിയന്ത്രണം ഏർപ്പെടുത്താൻ തീരുമാനം. കാലാവസ്ഥ മുന്നറിയിപ്പുകൾ അനുസരിച്ചായിരിക്കും നിയന്ത്രണം ഏർപ്പെടുത്തുന്നത്. കാലാവസ്ഥ മുന്നറിയിപ്പുള്ള ദിവസങ്ങളിൽ മുതലപ്പൊഴിയിൽ നിയന്ത്രണം ശക്തിപ്പെടുത്തും. ഇത് സംബന്ധിച്ച് ഫിഷറീസ് ഡയറക്ടറാണ് ശുപാർശ സർക്കാരിന് കൈമാറിയത്.
മഴക്കാലമായതോടെ മുതലപ്പൊഴിയിൽ അപകടങ്ങളുടെ എണ്ണം കൂടി വരുന്നതിനാലാണ് തീരുമാനം. കാലാവസ്ഥ മുന്നറിയിപ്പുള്ള ദിവസങ്ങളിൽ മത്സ്യെത്തൊഴിലാളികൾ കടലിൽ പോകുന്നത് പൂർണമായി ഒഴിവാക്കണമെന്നാണ് നിർദേശം. ഇക്കാര്യം അധികൃതർ ഉറപ്പാക്കണമെന്നും ഫിഷറീസ് വകുപ്പ് നിർദേശം നൽകിയിട്ടുണ്ട്. മന്ത്രിതലത്തിൽ ചർച്ചകൾ നടത്തി വിഷയത്തിൽ അന്തിമതീരുമാനം എടുക്കണമെന്ന് ഫിഷറീസ് ഡയറക്ടർ അറിയിച്ചു.
വിഷയം മൽസയതൊഴിലാളുകളുമായും ചർച്ച നടത്തും. നിലവിൽ നൽകുന്ന കാലാവസ്ഥാ മുന്നറിയിപ്പുകൾ പോലും മത്സ്യതൊഴിലാളികൾ പാലിക്കുന്നില്ലെന്ന് ഫിഷറീസ് അറിയിച്ചു.
