ന്യൂഡൽഹി: വരും വർഷങ്ങളിൽ കേരളത്തിൽ ബിജെപി ഒരു സുപ്രധാന രാഷ്ട്രീയ ശക്തിയായി ഉയർന്നുവരുമെന്ന് ബിജെപി ദേശീയ സെക്രട്ടറി അനിൽ കെ. ആന്റണി. കഴിഞ്ഞ ഒൻപത് വർഷംകൊണ്ട് അതുല്യവും അതിശക്തമാവുമായ മുന്നേറ്റമാണ് പാർട്ടിയ്‌ക്ക് ഉണ്ടായത്. വരും വർഷങ്ങളിൽ കേരളത്തിലും പാർട്ടിയുടെ മുന്നേറ്റം കാണാനാകുമെന്ന് അദ്ദേഹം പറഞ്ഞു. 2024ലെ ലോക്സഭാ തിരഞ്ഞെടുപ്പിൽ ബിജെപി കേരളത്തിൽ അക്കൗണ്ട് തുറക്കും. പാർട്ടി കേരളത്തിൽ നിരവധി സീറ്റുകൾ നേടുമെന്നും വലിയ വോട്ട് ഷെയർ ഉണ്ടാകുമെന്നും അദ്ദേഹം പറഞ്ഞു.
ബിജെപി ദേശീയ നേതൃത്വത്തിലേക്ക് എത്തിയതിന് ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. വരുന്ന ലോക്സഭാ തിരഞ്ഞെടുപ്പ് മുൻനിർത്തിയുള്ള പ്രവർത്തനങ്ങൾ ആരംഭിക്കുന്നതിനാണ് ബിജെപി പുതിയ ദേശീയ ഭാരവാഹികളെ പ്രഖ്യാപിച്ചത്. പി.കെ കൃഷ്ണദാസിന് ശേഷം കേരളത്തിൽ നിന്ന് ബിജെപി ദേശീയ സെക്രട്ടറി സ്ഥാനത്തേക്ക് എത്തുന്നത് അനിൽ ആന്റണിയാണ്.
ജനറൽ സെക്രട്ടറിമാരായിരുന്ന പുരന്ദരേശ്വരി, സി.ടി രവി, ദിലീപ് സായിക്ക എന്നിവരെ സംസ്ഥാനങ്ങളിലേക്ക് തിരികെ വിളിച്ചപ്പോൾ ഒഴിവ് വന്ന ചുതലയിലാണ് അനിൽ കെ. ആന്റണി ഉത്തരവാദിത്വത്തിലേക്ക് എത്തുന്നത്. കേരളത്തേിന് ദേശീയ തലത്തിൽ ലഭിക്കുന്ന അംഗീകരമായാണ് അനിൽ കെ. ആൻണിയുടെ ഉത്തരവാദിത്വത്തെ രാഷ്ട്രീയ നിരീക്ഷകർ നോക്കി കാണുന്നത്.
