ഡ്രിബിളിംഗിനിടെ എതിർ താരത്തിന്റെ കാലൊടിച്ച് മാഴ്‌സലോ, യുവതാരം ഒരുവർഷത്തോളം കളിക്കളത്തിന് പുറത്ത്; ദാരുണ അപകടത്തിന്റെ ഞെട്ടിപ്പിക്കുന്ന വീഡിയോ

ഡ്രിബിളിംഗിനിടെ അബദ്ധത്തിൽ എതിർ താരത്തിന്റെ കാലൊടിയുന്ന വിധം പരിക്കേൽപ്പിച്ച് ബ്രസിലീയൻ ഇതിഹാസം മാഴ്‌സലോ.അർജന്റീനയിലെ ബ്യൂണസ് ഐറിസിൽ നടന്ന കോപ്പ ലിബെർടഡോറസ് മത്സരത്തിനിടെ യുവതാരം ലൂസിയാനോ സാഞ്ചെസിന്റെ കാലാണ് ഒടിഞ്ഞത്.

അർജന്റീനോസ് ജൂനിയേഴ്സും ഫ്ളുമിനെൻസും തമ്മിലുള്ള മത്സരത്തിനിടെയാണ് ദാരുണമായ അപകടമുണ്ടായത്.പന്തുമായി മുന്നേറുകയായിരുന്ന മാഴ്സെലോയെ പ്രതിരോധിക്കാൻ ലൂസിയാനോ കാല് നീട്ടവച്ചു. അബദ്ധത്തത്തിൽ ബ്രസീലിയൻ യുവതാരത്തിന്റെ ഇടതുകാലിൽ ചവിട്ടി. തൊട്ടുപിന്നാലെ യുവതാരത്തിന്റെ കാൽ ഒടിഞ്ഞുതൂങ്ങി. ഇതിന്റെ ഞെട്ടിപ്പിക്കുന്ന ദൃശ്യങ്ങൾ സോഷ്യൽ മീഡിയയിൽ പ്രചരിച്ചു.

സാഞ്ചെസിന് പരിക്കേറ്റയുടൻ മത്സരം നിർത്തിവെച്ച മാഴ്സെലോ വൈദ്യസഹായം ആവശ്യപ്പെട്ടു. വേദനകൊണ്ട് പുളഞ്ഞ യുവതാരത്തെ ഉടൻ തന്നെ ആശുപത്രിയിലെത്തിച്ചു. മാർസെലോയ്‌ക്ക് റഫറി റെഡ് കാർഡ് നൽകുകയും ചെയ്തു. മനപ്പൂർവമല്ലാത്ത ഫൗൾ ആയതുകൊണ്ട് തന്നെ മാർസെലോ കരഞ്ഞു കൊണ്ടാണ് മൈതാനം വിട്ടത്. മത്സരത്തിന്റെ 56-ാം മിനിറ്റിലാണ് സംഭവം നടന്നത്. മത്സരം സമനിലയിൽ പിരിഞ്ഞു.

മത്സരശേഷം ആശുപത്രിയിൽ പ്രവേശിപ്പിച്ച സാഞ്ചെസിനെ ശസ്ത്രക്രിയയ്‌ക്ക് വിധേയനാക്കി. ഒരുവർഷത്തോളം താരത്തിന് കളിക്കളത്തിന് പുറത്തിരിക്കേണ്ടിവരുമെന്ന് ഡോക്ടർമാർ അറിയിച്ചതായി വിവിധ മാദ്ധ്യമങ്ങൾ റിപ്പോർട്ട് ചെയ്തു. മത്സരശേഷം മാപ്പ് ചോദിച്ച് മാഴ്സെലോ രംഗത്തെത്തി. ‘വളരെ കഠിനമായ ഒരു നിമിഷത്തിലൂടെയാണ് ഇന്ന് കടന്നുപോയത്. സാഞ്ചെസിനെ അപകടപ്പെടുത്തണമെന്ന് ഞാൻ കരുതിയിട്ടില്ല. അദ്ദേഹം പരിക്കിൽ നിന്ന് മുക്തനായി ഉടൻ തന്നെ മത്സരരംഗത്തേക്ക് തിരിച്ചുവരട്ടെ എന്ന് പ്രാർത്ഥിക്കുന്നു’- മാഴ്സെലോ സമൂഹമാദ്ധ്യമങ്ങളിലൂടെ കുറിച്ചു.

Quizá la peor lesión que he visto en toda mi vida.

Quizá Marcelo no quería hacer daño. Incluso se fue expulsado entre lágrimas, no por la roja sino por el daño que le había hecho a un compañero de profesión.

Escalofriante. #CopaLibertadores pic.twitter.com/lbaboNkLFf

— José Iván Ruiz Trejo  (@eldesconocido) August 2, 2023

“>

Marcelo sans faire exprès … image horrible j’espère qu’il pourra rejouer au foot 😞 pic.twitter.com/mL7mfj7Vys

— Loguito Fcb (@Loguito6) August 1, 2023

“>