നെറ്റ്‌സിൽ കടുത്ത പരിശീലനവുമായി ഇന്ത്യൻ താരം കെ.എൽ രാഹുൽ. പരിക്കിൽ നിന്ന് മുക്തനായെന്ന് തെളിയിക്കുന്നതാണ് പുതിയ വീഡിയോ. താരം ബാറ്റിംഗും വിക്കറ്റ് കീപ്പിംഗും അതികഠിനമായി പരിശീലിക്കുന്നുണ്ട്. ഇക്കഴിഞ്ഞ ഐപിഎല്ലിനിടെ ബെംഗളുരുവിനെതിരായുള്ള മത്സരത്തിൽ ഫീൾഡിംഗിനിടെയാണ് താരത്തിന് പരിക്കേറ്റത്.
ലോക ടെസ്റ്റ് ചാമ്പ്യൻഷിപ്പ് അടക്കം രാഹുലിന് നഷ്ടമായിരുന്നു. പിന്നാലെ 31കാരന് ശസ്ത്രക്രിയയ്‌ക്ക് വിധേയനാകേണ്ടിവന്നു. ഇതിന് ഒരുമാസത്തിന് ശേഷം എൻസിഎയിൽ പരിശീലനത്തിലും തുടർ ചികിത്സയിലുമായിരുന്നു താരം.
പരിക്കിന് മുൻപ് ഇന്ത്യൻ ടീമിന്റെ പ്രധാന താരമായിരുന്നു കെഎൽ രാഹുൽ.മദ്ധ്യനിരയിലെ സ്ഥിരതായർന്ന പ്രകടനത്തിൽ പലപ്പോഴും ടീമിനെ കരകയറ്റിയിരുന്നു. ഏകദിന ലോകകപ്പിനുള്ള സ്‌ക്വാഡിൽ താരം ഇടംപിടിക്കുമെന്നാണ് ആരാധകരടക്കം കരുതുന്നത്.
അങ്ങനെയെങ്കിൽ ലോകകപ്പ് സ്‌ക്വാഡിലേക്ക് കണ്ണുംനട്ടിരിക്കുന്ന മലയാളി താരം സഞ്ജു സാംസണും ഇഷാൻ കിഷനും കാത്തിരിപ്പ് തുടരേണ്ടിവരും. ഇതിലാരെങ്കിലും റിസർവ് താരമായി ടീമിൽ ഇടംപിടിക്കൂ എന്നാണ് കരുതുന്നത്.
View this post on Instagram
“>
