ഒട്ടാവ∙ ഫെയ്സ്‌ബുക്കിലൂടെയും ഇന്‍സ്റ്റഗ്രാമിലൂടെയും വാർത്തകൾ ഇനി കാനഡയിലെ ഉപയോക്താക്കൾക്ക് ലഭ്യമാകില്ല. കഴിഞ്ഞ ദിവസമാണ് കാനഡയിൽ പുതിയ നിയമം നിലവിൽ വന്നത്. വാർത്തകൾക്ക് സമൂഹമാദ്ധ്യമങ്ങൾ മാധ്യമസ്ഥാപനങ്ങൾക്കു പണം നൽകണമെന്ന നിയമം നിലവിൽ വന്നതിനെത്തുടർന്നാണ് മെറ്റയുടെ നടപടി. ഗൂഗിളും മെറ്റയുടെ പാതയിൽ വാർത്താ നൽകുന്നത് നിർത്തുമെന്നാണ് സൂചന.
കാനനേഡിയൻ മാദ്ധ്യമങ്ങൾ പ്രസിദ്ധീകരിക്കുന്ന കണ്ടന്റുകളും വാർത്താ ലിങ്കുകളും കാനഡയിലെ ആളുകൾക്ക് ഇനി മുതൽ ഫെയ്സ്‌ബുക്കിലൂടെയും ഇന്‍സ്റ്റഗ്രാമിലൂടെയും കാണാൻ സാധിക്കില്ലന്നാണ് മെറ്റ അറിയിച്ചിരിക്കുന്നത്. ഓസ്ട്രേലിയയിലും സമാനമായ നിയമം പ്രാബല്യത്തിലായിരുന്നു. സമൂഹ മാദ്ധ്യമങ്ങൾ വ്യാപകമായതിന് ശേഷം വാർത്തകൾക്ക് ആളുകൾ ഏറ്റവും കൂടതലായി ആശ്രയിക്കുന്നത് സമൂഹ മാദ്ധ്യമങ്ങളെയാണ്.
