തണ്ണിമത്തൻ കഴിക്കാൻ ഇഷ്ടപ്പെടുന്നവരാണ് നമ്മൾ. ശരീരത്തിൽ ജലാംശം വർദ്ധിപ്പിക്കുന്നതിനോടൊപ്പം ഊർജസ്വലതയോടെ പ്രവർത്തിക്കാനും തണ്ണിമത്തൻ സഹായിക്കുന്നു. ഇനി തണ്ണിമത്തൻ കഴിക്കുന്നതിനോടൊപ്പം അൽപ്പം മുഖത്ത് പുരട്ടാനും മാറ്റിവെക്കാം. മുഖത്തെ കരുവാളിപ്പും തിളക്കമില്ലായ്മയും പലരെയും അലട്ടുന്ന പ്രശ്നങ്ങളിലൊന്നാണ്. അത്തരം പ്രശനങ്ങൾക്ക് ഇനി തണ്ണിമത്തനിലൂടെ പരിഹാരം കാണാം..
തണ്ണിമത്തനും കറ്റാർവാഴയും
ഒരു ടേബിൾസ്പൂൺ തണ്ണിമത്തൻ പൾപ്പ് രണ്ട് ടേബിൾസ്പൂൺ കറ്റാർവാഴ ജെല്ലിനോടൊപ്പം ചേർത്ത് മുഖത്ത് പുരട്ടി 20 മിനിട്ടുകൾക്ക് ശേഷം കഴുകി കളയാം. ഇത് മുഖത്തെ കരുവാളിപ്പകറ്റി മുഖം തിളക്കമാർന്നതാക്കാൻ സഹായിക്കുന്നു.
തണ്ണിമത്തനും തൈരും
രണ്ട് ടേബിൾ സ്പൂൺ തണ്ണിമത്തൻ ജ്യൂസിനോടൊപ്പം അൽപം തൈര് ചേർത്ത് മുഖത്ത് പുരട്ടാം. 15 മിനിട്ടുകൾക്ക് ശേഷം കഴുകി കളയാവുന്നതാണ്.
തണ്ണിമത്തനും തക്കാളിയും
തണ്ണിമത്തനും തക്കാളിയും ചേർത്ത മിശ്രിതം മുഖത്ത് പുരട്ടുന്നത് കരുവാളിപ്പകറ്റി മുഖം തിളക്കമാർന്നതാക്കാൻ സഹായിക്കുന്നു.
Comments