ദേശീയഗാനം മുഴങ്ങിയതോടെ നെഞ്ചിൽ കൈവച്ച്, കണ്ണീർ പൊഴിച്ച് ക്യാപ്റ്റൻ പാണ്ഡ്യ; വൈറലായി ദൃശ്യങ്ങൾ

ട്രിനാഡ്; വെസ്റ്റ് ഇൻഡീസിനെതിരെയുള്ള ആദ്യ ട്വന്റി20 മത്സരം പരാജയപ്പെട്ടെങ്കിലും ക്യാപ്റ്റൻ ഹാർദിക് പാണ്ഡ്യയുടെ ഒരു ദൃശ്യം സോഷ്യൽ മീഡിയയിൽ വൈറലാകുന്നുണ്ട്. മത്സരം തുടങ്ങുന്നതിന് മുൻപ് സ്റ്റേഡിയത്തിൽ ദേശീയ ഗാനം കേൾപ്പിച്ചപ്പോഴായിരുന്നു താരത്തിന്റെ വൈകാരിക പ്രതികരണം.

മത്സരം തുടങ്ങുന്നതിനു മുൻപ് ദേശീയ ഗാനം കേള്‍പ്പിച്ച് കഴിഞ്ഞപ്പോള്‍
കണ്ണുനീർ തുടയ്‌ക്കുന്ന ഹാർദിക് പാണ്ഡ്യയുടെ ദൃശ്യങ്ങൾ പുറത്തുവന്നു.
പലരും വീഡിയോയ്‌ക്ക് താഴെ വൈകാരികമായി പ്രതികരിക്കുന്നുണ്ട്.
ട്വന്റി20 ഫോർമാറ്റിൽ ഇന്ത്യയുടെ 200ാം മത്സരമായിരുന്നു ട്രിനിഡാഡിൽ നടന്ന ആദ്യ ട്വന്റി20.

അതേസമയം തോൽവിയുടെ കാരണവും ഹാർദിക് പാണ്ഡ്യ വ്യക്തമാക്കിയിരുന്നു. യുവ ടീമീവുമ്പോൾ തെറ്റുകൾ വരാമെന്നും അതിൽ നിന്ന് അവർ പാഠങ്ങൾ പഠിക്കുമെന്നും ഹാർദിക് പറഞ്ഞു. അതിന് ഇനിയും നാലു മത്സരങ്ങൾ ബാക്കിയുണ്ടല്ലോ എന്നും ഹാർദിക് ചൂണ്ടിക്കാട്ടി.

‘കൃത്യമായ ഇടവളകളിൽ നമുക്ക് വിക്കറ്റുകൾ നഷ്ടമായി. ടി20 ക്രിക്കറ്റിൽ ഇടക്കിടെ വിക്കറ്റുകൾ നഷ്ടമായാലും ഒന്നോ രണ്ടോ അടികൾ കളിയുടെ ഗതിമാറ്റും. എന്നാൽ ആദ്യ മത്സരത്തിൽ നമുക്ക് അതിന് കഴിഞ്ഞില്ല. അവിടെയാണ് നമുക്ക് പിഴച്ചത്’ ഹാർദിക്ക് പറഞ്ഞു.

തിലക് വർമയുടെ അരങ്ങേറ്റം മോശമായില്ല. പ്രത്യേകിച്ച് തിലക് പറത്തിയ സിക്സുകൾ. നിർഭയ ക്രിക്കറ്റ് കളിക്കുന്ന തിലകിനെപ്പോലെയുള്ള താരങ്ങളുടെ ആത്മവിശ്വാസം ഭാവിയിൽ അത്ഭുതങ്ങൾ സൃഷ്ടിക്കുമെന്നും ഹാർദിക് പറഞ്ഞു.

Hardik “ pAsSiOnAtE “ Pandya pic.twitter.com/hh3HZRDr66

— shank (@shanktweetss) August 3, 2023

“>