ആൻഡ്രോയിഡ് സ്മാർട്ട്ഫോണുകൾ ഇന്ത്യൻ വിപണിയിൽ നിര നിരയായി നിൽക്കുമ്പോൾ ആ വരിയിലേക്ക് ഒരാൾ കൂടി എത്തിയിരിക്കുന്നു. മിഡ്റേഞ്ച് സ്മാർട്ട്ഫോണായി കമ്പനി അവതരിപ്പിച്ച വൺപ്ലസ് നോർഡ് സിഇ 3- 5ജി വിൽപ്പന ആരംഭിച്ചിരിക്കുകയാണ്. ആകർഷകമായ സവിശേഷതകളുമായി പുറത്തിറക്കിയ ഈ സ്മാർട്ട്ഫോണിന്റെ കൂടുതൽ വിശേഷങ്ങളറിയാം..
വൺപ്ലസ് നോർഡ് സിഇ 3 5ജി സവിശേഷതകൾ
വൺപ്ലസിന്റെ ഈ സ്മാർട്ട്ഫോൺ ക്വാൽകോം സ്നാപ്ഡ്രാഗൺ 782ജി ചിപ്സെറ്റ്, 50 എംപി സോണി IMX890 പ്രൈമറി സെൻസർ, 80 w സൂപ്പർവൂക്ക് ചാർജിംഗ് സപ്പോർട്ട് എന്നീ സവിശേഷതകളോടെയാണ് പുറത്തിറങ്ങിയിരിക്കുന്നത്.
വിലയും ലഭ്യതയും
രണ്ട് വേരിയന്റുകളിലാണ് വൺപ്ലസ് നോർഡ് സി ഇ 3- 5ജി വിപണികളിൽ എത്തിരിക്കുന്നത്. അക്വാ സർജ്, ഗ്രേ ഷിമ്മർ എന്നീ രണ്ട് കളർ ഓപ്ഷനുകളിൽ വൺപ്ലസ് നോർഡ് സിഇ 3 5ജി സ്മാർട്ട്ഫോൺ ലഭ്യമാകുക. 128 ജിബി സ്റ്റോറേജും 8 ജിബി റാമുമുള്ള ഡിവൈസിന് 26,999 രൂപയാണ് വില വരുന്നത്. 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 28,999 രൂപ വില വരുന്നുണ്ട്. ആമസോൺ പ്ലാറ്റ്ഫോമിലും വൺപ്ലസ് ഇൻ പ്ലാറ്റ്ഫോമുകളിലും ഫോൺ ലഭ്യമാണ്.
ക്യാമറ സവിശേഷതകൾ
മൂന്ന് പിൻക്യാമറകളുമായിട്ടാണ് കമ്പനി വൺപ്ലസ് നോർഡ് സി ഇ 3- 5 ജി സ്മാർട്ട്ഫോൺ പുറത്തിറക്കിയിരിക്കുന്നത്. 16 എംപി ഫ്രണ്ട് ക്യാമറയാണ് ഫോണിൽ വരുന്നത്. ഇതിന് പുറമെ 50 എംപി സോണി IMX890 പ്രൈമറി സെൻസറിൽ ഇഐഎസ്, ഒഐഎസ് സ്റ്റെബിലൈസേഷൻ സംവിധാനങ്ങളും ഫോണിൽ സപ്പോർട്ട് ചെയ്യുന്നുണ്ട്. 8 എംപി സോണി IMX 355 അൾട്രാ-വൈഡ് ആംഗിൾ ലെൻസും 2 എംപി 4cm മാക്രോ യൂണിറ്റും ഈ സ്മാർട്ട്ഫോണിന്റെ മറ്റൊരു പ്രത്യേകതയാണ്.
ഡിസ്പ്ലെ, പ്രോസസർ സവിശേഷതകൾ
120Hz വേരിബിൾ റിഫ്രഷ് റേറ്റും 6.7 ഇഞ്ച് അമോലെഡ് ഡിസ്പ്ലെയുമുളള ഈ സ്മാർട്ട്ഫോണിന് ഫുൾ എച്ച്ഡി റെസല്യൂഷനുമാണുള്ളത്. അമോലെഡ് ഡിസ്പ്ലേയ്ക്ക് 240Hz ടച്ച് റെസ്പോൺസ് റേറ്റ്, എച്ച്ഡിആർ 10+ കണ്ടന്റ് എന്നിവയും കമ്പനി നൽകിയിട്ടുണ്ട്.
ബാറ്ററി, കണക്റ്റിവിറ്റി സവിശേഷതകൾ
വൺപ്ലസ് നോർഡ് സിഇ 3- 5 ജി സ്മാർട്ട്ഫോണിൽ 5,000mAh ബാറ്ററിയും 80w സൂപ്പർവൂക്ക് ചാർജിംഗുമാണ് കമ്പനി നൽകിയിരിക്കുന്നത്. ഇതിനു പുറമെ ഫോണിലെ സ്റ്റോറേജ് 1 ടിബി വരെ എക്സ്പാൻഡ് ചെയ്യാനായി മൈക്രോ എസ്ഡി കാർഡ് സ്ലോട്ടും കമ്പനി നൽകിയിരിക്കുന്നു. 5ജി, എൻഎഫ്സി, യുഎസ്ബി ടൈപ്പ്-സി പോർട്ട് എന്നിവയാണ് കണക്റ്റിവിറ്റി ഓപ്ഷനുകളായി വരുന്നത്.
Comments