ബലീൻ തിമിംഗലങ്ങളുടെ ഒരു ഉപജാതിയായ നീലത്തിമിംഗലങ്ങളാണ് ഭൂമൂഖത്തെ ഏറ്റവും ഭാരമേറിയ ജീവിയായി നാം കരുതുന്നത്. എന്നാൽ ഈ ഉത്തരത്തിന് മാറ്റങ്ങൾ സൃഷ്ടിച്ചിരിക്കുകയാണ് പുതിയ ഗവേഷണ പഠനങ്ങൾ. അതിപ്രാചീന കാലത്ത്, ഏകദേശം 3.9 കോടി വർഷങ്ങൾക്ക് മുമ്പ് നീലത്തിമിംഗലങ്ങളെക്കാൾ മൂന്നിരട്ടി ഭാരമുള്ള പെറുസെറ്റസ് കൊളോസ് എന്ന തിമിംഗല വിഭാഗങ്ങൾ ഭൂമിയിൽ ജീവിച്ചിരുന്നെന്നാണ് പഠനങ്ങൾ പറയുന്നത്. ഈ ജീവി ഏകദേശം 38-40 ദശലക്ഷം വർഷങ്ങൾക്ക് മുമ്പ് ഇയോസീൻ കാലഘട്ടത്തിൽ ജീവിച്ചിരുന്നതായി ഗവേഷകർ പറയുന്നു.
തെക്കൻ പെറുലിലെ ഒരു മരുഭൂമിയിൽ നിന്ന് 13 വർഷങ്ങൾക്ക് മുമ്പാണ് ശാസ്ത്രജ്ഞർ ഈ ജീവിയുടെ ഫോസിൽ കണ്ടെത്തുന്നത്. പെറുസെറ്റസ് കൊളോസ്സസിന്റെ 13 കശേരുക്കളും നാല് വാരിയെല്ലുകളും ഇടുപ്പെല്ലിന്റെ ഒരു ഭാഗവുമാണ് ശാസ്ത്രജ്ഞർ കണ്ടെത്തിയത്. ഏകദേശം 1,80,000 മുതൽ 3,40,000 കിലോഗ്രാം വരെ ഭാരം ഇതിനുണ്ടായിരുന്നെന്ന് കരുതുന്നു. ഇപ്പോഴത്തെ നീലത്തിമിംഗലങ്ങൾക്ക് ഏകദേശം 29.9 മീറ്റർ നീളവും 180,000 ഭാരവുമാണുള്ളത്.
Comments