ഭുവനേശ്വർ: കമ്യൂണിസ്റ്റ് ഭീകരവാദ പ്രവർത്തനങ്ങൾക്കെതിരെ കേന്ദ്ര ആഭ്യന്ത്രമന്ത്രി അമിത് ഷായുടെ നേതൃത്വത്തിൽ ഇന്ന് നിർണായക യോഗം ചേരും. ഡൽഹി സർവീസ് ഓർഡിനൻസിന് ബിജെഡി പിന്തുണ നൽകുന്നതിനിടെയാണ് അമിത് ഷായുടെ ഒഡീഷ സന്ദർശനം. ദേശീയപാതയുടെ ഉദ്ഘാടനം നിർവഹിക്കുകയും സംസ്ഥാന സെക്രട്ടേറിയറ്റിൽ നടക്കുന്ന ദുരന്തനിവാരണ യോഗത്തിൽ പങ്കെടുക്കുകയും ചെയ്യും.
കഴിഞ്ഞ ദിവസം ഭുവനേശ്വർ വിമാനത്താവളത്തിലെത്തിയ ആഭ്യന്തര മന്ത്രിയെ ബിജെപി സംസ്ഥാന അദ്ധ്യക്ഷൻ മൻമോഹൻ സമലും ഭുവനേശ്വർ എംപി അപരാജിത സാരംഗിയും ചേർന്നാണ് സ്വീകരിച്ചത്. സംസ്ഥാന സെക്രട്ടറിയേറ്റിൽ നടക്കുന്ന സമ്മേളനങ്ങളിലും അദ്ദേഹം പങ്കെടുക്കും.
രാജ്യസഭയിൽ ട്രഷറി ബെഞ്ചുകൾ കൊണ്ടുവന്ന അവിശ്വാസ പ്രമേയത്തിനെതിരെ എൻഡിഎ സർക്കാരിനെ പിന്തുണച്ച് ഡൽഹി സർവീസ് ഓർഡിനൻസ് ബില്ലിന് ബിജെഡി പിന്തുണ നൽകുന്നതിനിടയിലാണ് അമിത് ഷാ സന്ദർശനം നടത്തുന്നത്. ബിജെപിയുടെ സംസ്ഥാന ഓഫീസ് അദ്ദേഹം സന്ദർശിക്കുകയും പാർട്ടി നേതാക്കളുമായി കൂടിക്കാഴ്ച നടത്തുകയും ചെയ്യും.
Comments