വമ്പൻ അപ്ഡേറ്റുകളാണ് വാട്സ്ആപ്പ് നിരന്തരം തങ്ങളുടെ ഉപയോക്താക്കൾക്കായി നൽകുന്നത്. അത്തരത്തിലൊരു കിടിലൻ ഫീച്ചറാണ് ഏറ്റവുമൊടുവിലായി നൽകിയിരിക്കുന്നത്. 32 പേർ വരെയുള്ള ഗ്രൂപ്പുകളിൽ ആക്ടീവായി വേയിസിലൂടെ സംസാരിക്കാൻ സാധിക്കുന്ന പുതിയ ഫീച്ചറാണ് അവതരിപ്പിച്ചിരിക്കുന്നത്. ആൻഡ്രോയിഡിനുള്ള ബീറ്റ അപ്ഡേറ്റിലാണ് ഈ ഫീച്ചർ നൽകുന്നത്.
സാധാരണ ഗ്രൂപ്പ് കോളുകളിൽ നിന്ന് വ്യത്യസ്തമായി പുതിയ വോയിസ് ചാറ്റ് ഫീച്ചർ ഗ്രൂപ്പിലെ എല്ലാവരുടെയും ഫോണുകൾ ഒരേസമയം റിംഗ് ചെയ്യില്ല എന്നതാണ്. എല്ലാ ആളുകളും ലെഫ്റ്റ് ആയാലും വോയ്സ് ചാറ്റ് സെഷൻ ആക്ടീവ് ആയി നിലനിൽക്കുമെങ്കിലും ഒരു മണിക്കൂറിന് ശേഷം ഇത് ഓട്ടോമാറ്റിക്കായി തന്നെ അവസാനിക്കും. ആപ്പിനുള്ളിലെ വോയിസ് ചാറ്റുകൾ ഡിഫോൾട്ടായി എൻഡ്-ടു-എൻഡ് എൻക്രിപ്റ്റഡാണ്.
ഈ ഫീച്ചർ വാട്സ്ആപ്പ് ആദ്യമായാണ് അവതരിപ്പിക്കുന്നതെങ്കിലും ടെലിഗ്രാം 2020 മുതൽ വോയിസ് ചാറ്റ് ഫീച്ചർ നൽകുന്നുണ്ട്. പുതിയ ഫീച്ചർ വൈകാതെ തന്നെ എല്ലാവർക്കും ലഭ്യമാകുമെന്നാണ് വിലയിരുത്തൽ. അടുത്തിടെ വാട്സ്ആപ്പ് വീഡിയോ മെസേജ് ഫീച്ചർ അവതരിപ്പിച്ചിരുന്നു. വീഡിയോ മെസേജുകൾ വഴി ചാറ്റുകൾക്ക് റിപ്ലെ നൽകാൻ സാധിക്കുന്ന ഫീച്ചറാണ് കമ്പനി അവതരിപ്പിച്ചത്. 60 സെക്കൻഡിനുള്ളിലുള്ള ചെറു വീഡിയോകളാണ് ഇത്തരത്തിൽ അയക്കാൻ സാധിക്കുന്നത്.
