വിന്ഡീസ് ടി20 പരമ്പരയിലെ അവസാനത്തെയും അഞ്ചാമത്തെയും മത്സരത്തിലെ തോല്വി ഇന്ത്യയ്ക്ക് സമ്മാനിച്ചത് നാണക്കേടുകളുടെ ഒരുപിടി റെക്കോര്ഡുകള്. നായകനായ ഹാര്ദിക് പാണ്ഡ്യയുടെ കരിയറിലെ ആദ്യ പരമ്പര തോല്വിയാണിത്. ആശ്വസിക്കാനുള്ള ഒരു വക അരങ്ങേറ്റക്കാരന് തിലക് വര്മ്മയുടെ പ്രകടനമാണ്. ഇന്ത്യ പരാജയപ്പെട്ട മത്സരങ്ങളില്പോലും തിലക് തിളങ്ങി. അരങ്ങേറ്റ പരമ്പരയില് ഇന്ത്യയ്ക്കായി ഏറ്റവും കൂടുതല് റണ്സ് നേടുന്ന രണ്ടാമത്തെ താരവുമായി തിലക്. 173 റണ്സാണ് താരം നേടിയത്. 179 റണ്സെടുത്ത കെ.എല് രാഹുല് ആണ് ഒന്നാമന്.
ഏകദിന സീരിസില് പരാജയപ്പെട്ട സൂര്യകുമാര് യാദവിന്റെ തിരിച്ചുവരവായിരുന്നു മറ്റൊരു ആശ്വാസം. 166 റണ്സെടുത്ത് പരമ്പരയില് തിലകിന് താഴെ രണ്ടാം സ്ഥാനത്താണ് സൂര്യ. അതേസമയം മലയാളി താരം സഞ്ജു സാംസണ് ഒരിക്കല്ക്കൂടി ഗ്രൗണ്ടില് കളിമറന്നു.
7,12,13 എന്നിങ്ങനെയാണ് മലയാളി താരത്തിന്റെ സ്കോറുകള്. അതേസമയം താരത്തിന് രണ്ടുമത്സരങ്ങളില് ബാറ്റിംഗിന് അവസരം കിട്ടയില്ല. ഈ പ്രകടനത്തോടെ താരത്തിന്റെ ഏഷ്യാകപ്പ്, ലോകകപ്പ് മോഹങ്ങള് ഏറെക്കുറെ അവസാനിച്ചു.
ഇന്ത്യയ്ക്കെതിരെയുള്ള വിന്ഡീസിന്റെ ആദ്യ അഞ്ചു മത്സരങ്ങളുള്ള ടി20 പരമ്പര വിജയം
2017ന് ശേഷം ഇന്ത്യയ്ക്കെതിരെ വിന്ഡീസിന്റെ ആദ്യ ടി20 സീരിസ് വിജയം
ഒരു പരമ്പരയില് ഇന്ത്യ മൂന്ന് മത്സരം പരാജയപ്പെടുന്നത് ആദ്യം
അഞ്ചുമത്സരങ്ങളുടെ ഒരു ടി20 പരമ്പരയിലെ ഇന്ത്യ തോല്ക്കുന്നതും ആദ്യം
അഞ്ചാം ടി20യില് ഇന്ത്യയെ 8 വിക്കറ്റിനാണ് വിന്ഡീസ് തോല്പ്പിച്ചത്. ഇന്ത്യ ഉയര്ത്തിയ 166 എന്ന വിജയലക്ഷ്യം 18 ഓവറില് 2 വിക്കറ്റ് നഷ്ടത്തില് വെസ്റ്റിന്ഡീസ് മറികടന്നു. ഇതോടെ പരമ്പര 3-2ന് വെസ്റ്റിന്ഡീസ് സ്വന്തമാക്കുകയായിരുന്നു പൂരന്റെയും ബ്രാന്ഡന് കിങിന്റെയും രണ്ടാം ഇന്നിങ്സ് കൂട്ടുകെട്ട് ആണ് വെസ്റ്റിന്ഡീസിന് ജയം സമ്മാനിച്ചത്.
Comments