ന്യൂഡൽഹി ; പാർട്ടിയ്ക്ക് അനുയോജ്യമെന്ന് തോന്നുന്നിടത്തെല്ലാം പ്രിയങ്ക മത്സരിക്കുമെന്ന് ഭർത്താവ് റോബർട്ട് വദ്ര . യുപിയിലെ സീറ്റിൽ നിന്നാണ് പ്രിയങ്ക ലോക്സഭാ തിരഞ്ഞെടുപ്പിൽ മത്സരിക്കുക. . ആദ്യം പാർലമെന്റിൽ എത്തും, പിന്നെ അടുത്ത യുദ്ധം – എന്നാണ് റോബർട്ട് വദ്രയുടെ അവകാശവാദം .
2024ലെ ലോക്സഭാ തിരഞ്ഞെടുപ്പുമായി ബന്ധപ്പെട്ട് പ്രിയങ്ക ഗാന്ധി മത്സരിക്കുന്നതിനെ പറ്റിയുള്ള ചർച്ചകൾ കോൺഗ്രസിൽ നടക്കുമ്പോഴാണ് പ്രിയങ്ക എങ്ങനെയും പാർലമെന്റിൽ എത്തണമെന്ന് റോബർട്ട് വദ്ര പറയുന്നത് .
‘ ലോക്സഭാ തിരഞ്ഞെടുപ്പ് രാഷ്ട്രീയം ഇപ്പോൾ അതിന്റെ പാരമ്യത്തിലാണ്. ബിജെപിയെ പരാജയപ്പെടുത്താൻ കോൺഗ്രസ് ഉൾപ്പെടെയുള്ള പ്രതിപക്ഷ പാർട്ടികൾ ഒന്നിച്ചു. പ്രിയങ്കയെ ലോക്സഭാ തിരഞ്ഞെടുപ്പിൽ മത്സരിക്കാൻ തിരഞ്ഞെടുക്കണം. പ്രിയങ്ക ആദ്യം പാർലമെന്റിൽ എത്തണം . അവർ ലോക്സഭയിൽ എത്തിയാൽ ജനങ്ങൾക്ക് സന്തോഷമാകുമെന്ന് ഞാൻ കരുതുന്നു. അമേഠിയായാലും സുൽത്താൻപൂരായാലും പാർട്ടിക്ക് അനുയോജ്യമെന്ന് തോന്നുന്നിടത്തെല്ലാം പ്രിയങ്ക മത്സരിക്കണമെന്ന് ഞാൻ ആഗ്രഹിക്കുന്നു.‘ റോബർട്ട് വദ്ര പറഞ്ഞു.
