ഹർഘർ തിരംഗ ക്യാമ്പയ്‌ന്റെ ഭാഗമായി കേന്ദ്ര ആഭ്യന്തരമന്ത്രി അമിത് ഷായും; വസതിയിൽ ദേശീയ പതാക ഉയർത്തി

ന്യൂഡൽഹി: രാജ്യം സ്വാതന്ത്ര്യദിനാഘോഷത്തിന്റെ ആരവങ്ങൾ മുഴക്കുമ്പോൾ അതിൽ പങ്കുചേർന്ന് കേന്ദ്ര ആഭ്യന്തര മന്ത്രി അമിത് ഷായും. 77-ാം സ്വാതന്ത്ര്യദിനാഘോഷത്തിന്റെ ഭാഗമായി അമിത് ഷാ തന്റെ വസതിയിൽ ദേശീയ പതാക ഉയർത്തിയാണ് ഹർഘർ തിരംഗ ആഘോഷമാക്കിയത്. അതോടൊപ്പം ഇന്ത്യയിലെ ജനങ്ങളോട് ത്രിവർണ പതാക വീടുകളിൽ ഉയർത്താനും അദ്ദേഹം ആവശ്യപ്പെട്ടു.

ക്യാമ്പയിന്റെ സന്ദേശം പങ്കിടാൻ ആഭ്യന്തരമന്ത്രി, ഭാര്യയായ സോണാൽ ഷായ്‌ക്കൊപ്പമാണ് വസതിയ്‌ക്ക് മുകളിൽ ദേശീയ പതാക ഉയർത്തിയത്. ‘ഹർഘർ തിരംഗയുടെ ഭാഗമായി ഇന്ന് എന്റെ വസതിയിൽ ദേശീയ പതാക ഉയർത്തിയിരിക്കുന്നു. സ്വാതന്ത്ര്യത്തിന് മുന്നോടിയായി ദശലക്ഷക്കണക്കിന് ത്രിവർണ പതാകകളാണ് വാനിൽ അലയടിക്കുന്നത്. നമ്മുടെ കൂട്ടായ ഇച്ഛാശക്തി രാജ്യത്തെ വീണ്ടും ഉന്നതികളിലേക്ക് എത്തിക്കുന്നതിനെ സൂചിപ്പിക്കുന്നതാണ് ഇതെന്നും അദ്ദേഹം എക്‌സിൽ (ട്വിറ്റർ) കുറിച്ചു.

Under the #HarGharTiranga campaign, hoisted the Tiranga atop my residence today.

Millions of Tirangas billowing in Indian skies before Independence Day symbolize the nation’s collective will to make India the paragon of greatness again. pic.twitter.com/g0P3ErxZFa

— Amit Shah (@AmitShah) August 14, 2023

“>

ഹർഘർ തിരംഗ ക്യാമ്പയിൽ ഏറ്റെടുക്കുന്നതിന്റെ ഭാഗമായി രാജ്യത്തിലെ പൗരന്മാരോട് സമൂഹമാദ്ധ്യമങ്ങളിലെ അക്കൗണ്ടുകളുടെ മുഖചിത്രം ത്രിവർണ പതാക ആക്കണമെന്നും പ്രധാനമന്ത്രി ആഹ്വാനം ചെയ്തിരുന്നു. ഔദ്യോഗിക വെബ്‌സൈറ്റിൽ കോടി കണക്കിന് ജനങ്ങളാണ് സെൽഫികൾ പങ്കുവെച്ച് ഇതുവരെ ഹർഘർ തിരംഗയുടെ ഭാഗമായത്.