ലണ്ടന്: ക്യാപ്റ്റന് ബട്ലറുടെയും പരിശീലകന് മാത്യു മോട്ടിന്റെയും ചര്ച്ചകള് ഫലം കണ്ടു. വിരമിക്കല് പിന്വലിച്ച് പരിമിത ഓവര് ക്രിക്കറ്റിലേക്ക് മടങ്ങിയെത്തി ഇംഗ്ലണ്ട് സൂപ്പര് താരം ബെന് സ്റ്റോക്സ്. ന്യൂസിലന്ഡിനെതിരായ ഏകദിന, ടി20 പരമ്പരകള്ക്കുള്ള ടീമില് താരം ഇടംപിടിച്ചിട്ടുണ്ട്.
ഇതോടെ ഇന്ത്യയില് നടക്കുന്ന ഏകദിന ലോകകപ്പില് താരം പാഡ് അണിയുമെന്ന കാര്യം ഉറപ്പായി. കഴിഞ്ഞ വര്ഷമാണ് സ്റ്റോക്സ് ഏകദിന, ടി20 ക്രിക്കറ്റില് നിന്ന് വിരമിക്കല് പ്രഖ്യാപിച്ച് ഇംഗ്ലണ്ടിന്റെ ടെസ്റ്റ് ടീം നായകനായത്. 2019ലെ ഏകദിന ലോകകപ്പിന്റെ ഫൈനലില് ടോപ് സ്കോററായ സ്റ്റോക്സിന്റെ മികവിലാണ് ഇംഗ്ലണ്ട് കിരീടം ഉയര്ത്തിയത്. 84 റണ്സുമായി പുറത്താകാതെ നിന്നു.
അതേസമയം ടി20 ടീമില് ബെന് സ്റ്റോക്സ് ഇല്ല. ജോ റൂട്ട് ഏകദിന ടീമിലുണ്ട്.സറേയുടെ പേസര് ഗസ് അറ്റ്കിന്സണ് ആണ് ഏകദിന ടീമിലെ പുതുമുഖം. ഇംഗ്ലണ്ടിന്റെ ലോകകപ്പ് ടീമില് തിരിച്ചെത്തുന്ന സ്റ്റോക്സ് സ്പെഷലിസ്റ്റ് ബാറ്ററായിട്ടായിരിക്കും കളിക്കുക. കാല്മുട്ടിലെ പരിക്കിനെ ശസ്ത്രക്രിയക്ക് വിധേയനാകാനിരുന്ന സ്റ്റോക്സ് ലോകകപ്പില് കളിക്കുന്ന സാഹചര്യത്തില് ശസ്ത്രക്രിയ നീട്ടിവെച്ചിട്ടുണ്ട്. കാല്മുട്ടിലെ പരിക്ക് കാരണം ലോകകപ്പില് കളിച്ചാലും സ്റ്റോക്സിന് പന്തെറിയാനാവില്ല.
ന്യൂസിലന്ഡിനെതിരായ ഏകദിന പരമ്പരക്കുള്ള ഇംഗ്ലണ്ട് ടീം: ജോസ് ബട്ട്ലര്,മൊയിന് അലി, ഗസ് അറ്റ്കിന്സണ്,ജോണി ബെയര്സ്റ്റോ,സാം കറന്, ലിയാം ലിവിംഗ്സ്റ്റണ്,ഡേവിഡ് മലന്, ആദില് റഷീദ്,ജോ റൂട്ട്, ജേസണ് റോയ്, ബെന് സ്റ്റോക്സ്, റീസ് ടോപ്ലി, ഡേവിഡ് വില്ലി,മാര്ക്ക് വുഡ്,ക്രിസ് വോക്സ്.
