മമ്മൂട്ടിയെ കേന്ദ്ര കഥാപാത്രമാക്കി രാഹുൽ സദാശിവൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പ്രഖ്യാപിച്ചു. ‘ഭ്രമയുഗം’ എന്ന് പേരിട്ടിരിക്കുന്ന ചിത്രത്തിന്റെ ടൈറ്റിൽ പോസ്റ്റർ മമ്മൂട്ടി റിലീസ് ചെയ്തു. മമ്മൂട്ടി പ്രതിനായക വേഷത്തിൽ എത്തുന്നു എന്നതാണ് ചിത്രത്തിന്റെ പ്രത്യേകത. അർജുൻ അശോകനാണ് ചിത്രത്തിൽ മറ്റൊരു പ്രധാന വേഷം കൈകാര്യം ചെയ്യുന്നത്.
കൊച്ചിയിൽ ഷൂട്ടിംഗ് ആരംഭിച്ച ‘ഭ്രമയുഗം’ ഹൊറർ ഗണത്തിൽപ്പെടുന്ന ചിത്രമാണ്. 30 ദിവസമാണ് ചിത്രത്തിനായി മമ്മൂട്ടി മാറ്റി വെച്ചിരിക്കുന്നത്. രാഹുൽ തന്നെയാണ് ചിത്രത്തിന്റെ രചനയും നിർവ്വഹിക്കുന്നത്. തമിഴിലെ പ്രശസ്ത നിർമ്മാണ കമ്പനിയായ വൈ നോട്ട് സ്റ്റുഡിയോസ് ആദ്യമായി ഒരു മലയാള ചിത്രം നിർമ്മിക്കുന്നു എന്ന പ്രത്യേകതയും ഭ്രമയുഗത്തിനുണ്ട്.
നൈറ്റ് ഷിഫ്റ്റ് സ്റ്റുഡിയോട് എൽഎൽപി, വൈ നോട്ട് സ്റ്റുഡിയോസ് എന്നിവയസുടെ ബാനറിൽ ചക്രവർത്തി രാമചന്ദ്ര, എസ്.ശശികാന്ത് എന്നിവരാണ് ചിത്രം നിർമ്മിക്കുന്നത്. മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിലും ഭ്രമയുഗം റിലീസ് ചെയ്യും.
Comments