ഇംഫാൽ: വംശീയ സംഘർഷത്തെ തുടർന്ന് മണിപ്പൂരിൽ നിന്നും പലായനം ചെയ്തവർ തിരികെയെത്തുന്നതായി മണിപ്പൂർ മുഖ്യമന്ത്രി ബിരേൻ സിംഗ്. സംഘർഷത്തിന്റെ ആദ്യ സമയത്ത് അതിർത്തി പ്രദേശമായ മോറെയിൽ നിന്ന് മ്യാൻമറിലേക്ക് പലായനം ചെയ്ത 200-ൽ അധികം ഇന്ത്യക്കാർ സുരക്ഷിതമായി നാട്ടിലേക്ക് മടങ്ങിയെന്നാണ് അദ്ദേഹം പറഞ്ഞത്. ഇവരെ സുരക്ഷിതമായി തിരികെ എത്തിച്ചതിന് അദ്ദേഹം ഇന്ത്യൻ സൈന്യത്തിന് നന്ദി രേഖപ്പെടുത്തി. സമൂഹമാദ്ധ്യമത്തിൽ പങ്കുവെച്ച പോസ്റ്റിലാണ് അദ്ദേഹം ഇത് പറഞ്ഞത്.
‘മണിപ്പൂരിലെ മോറെ പട്ടണത്തിൽ മെയ് 3-ന് നടന്ന അശാന്തിയെ തുടർന്ന് സുരക്ഷ തേടി മ്യാൻമറിലേക്ക് പോയ എല്ലാവരും ഇപ്പോൾ സുരക്ഷിതമായി ഇന്ത്യൻ മണ്ണിൽ തിരിച്ചെത്തിയതിന്റെ ആശ്വാസവും നന്ദിയും പ്രകടിപ്പിക്കുന്നു..’
‘അവരെ നാട്ടിലെത്തിക്കാൻ ഇന്ത്യൻ ആർമി കാണിച്ച അർപ്പണബോധത്തിന് വലിയ ആദരവ്. ജിഓസി ഈസ്റ്റേൺ കമാൻഡ്, ലഫ്റ്റനന്റ് ജനറൽ ആർപി കലിത, ജിഓസി 3 കോർപ്, ലഫ്റ്റനന്റ് ജനറൽ എച്ച്എസ് സാഹി, കേണൽ രാഹുൽ ജെയിൻ എന്നിവരുടെ അചഞ്ചലമായ സേവനത്തിന് ആത്മാർത്ഥമായ നന്ദി.’ – ബിരേൻ സിംഗ് പറഞ്ഞു.
Relief and gratitude as 212 fellow Indian citizens (all Meiteis) who sought safety across the Myanmar border post the May 3rd unrest in Moreh town of Manipur, are now safely back on Indian soil.
A big shout-out to the Indian Army for their dedication in bringing them home.…
— N.Biren Singh (@NBirenSingh) August 18, 2023
