ന്യൂഡൽഹി: പ്രധാനമന്ത്രി നരേന്ദ്ര മോദിയെ അർമേനിയയിലേയ്ക്ക് ക്ഷണിച്ച് പ്രാധാനമന്ത്രി നിക്കോൾ പഷിന്യാൻ. സ്വാതന്ത്ര്യദിനാഘോഷത്തോട് അനുബന്ധിച്ച് നിക്കോൾ പഷിന്യാൻ പ്രധാനമന്ത്രി നരേന്ദ്രമോദിക്ക് അഭിനന്ദനങ്ങൾ അറിയിച്ചിരുന്നു. ഇതിന് പിന്നാലെയാണ് പ്രാധാനമന്ത്രിയെ അർമേനിയയിലേയ്ക്ക് ക്ഷണിച്ചത്. ഇരു രാജ്യങ്ങളും തമ്മിലുള്ള സൗഹൃദം ഉറപ്പിക്കുന്നതിനും ഫലപ്രദമായ സഹകരണത്തിൽ ഏർപ്പെടുന്നതിനും വിവിധ മേഖലകളിൽ സഹകരിച്ചു പ്രവർത്തിക്കുന്നതിനും വേണ്ടിയുള്ള കൂടിക്കാഴ്ചക്കായാണ് ക്ഷണം.
നേരത്തെ ഇരുരാജ്യങ്ങളും നടത്തിയ കൂടിക്കാഴ്ചയിൽ അർമേനിയയും ഇന്ത്യയും തമ്മിൽ വിവിധ മേഖലകളിലുള്ള പങ്കാളിത്തത്തെയും സാധ്യതകളെയും കുറിച്ച് ചർച്ച നടത്തിയിരുന്നു. ഈ കൂടിക്കാഴ്ച ഇരു രാജ്യങ്ങൾക്കുമിടയിൽ നൂറ്റാണ്ടുകൾ പഴക്കമുള്ള സൗഹൃദത്തിന്റെ ഒരു പുതിയ അദ്ധ്യായം തന്നെ തുറന്നു. ശക്തമാവും ആഴത്തിലുമുള്ള ഉഭയകക്ഷി ബന്ധത്തെയും വർദ്ധിച്ചുവരുന്ന സഹകരണ ശ്രമങ്ങളെയും പ്രതിഫലിപ്പിക്കുന്നതായിരിക്കും വരാനിരിക്കുന്ന കൂടിക്കാഴ്ച.
അർമേനിയയും ഇന്ത്യയും തമ്മിൽ വിവിധ മേഖലകളിൽ പരസ്പര സഹകരണവും ആഴത്തിലുള്ള ഉഭയകക്ഷി ബന്ധവും വർദ്ധിക്കുമെന്നും ഇത് ഇരുരാജ്യങ്ങൾക്കും ഗുണപ്രദമാകുമെന്നും അർമേനിയൻ പ്രധാനമന്ത്രി നിക്കോൾ പഷിന്യാൻ പറഞ്ഞു.
Comments