സാധനം വാങ്ങാൻ കടകളിൽ പോകാത്തവരായി ആരുണ്ട് അല്ലേ. സാധനം വാങ്ങി ഇറങ്ങുമ്പോൾ ബില്ല് ലഭിക്കുന്നതും പതിവാണ്. എന്നാൽ ഈ ബില്ലുകൾ സൂക്ഷിച്ച് വെക്കുന്ന എത്ര പേരുണ്ട്. സാധനം വാങ്ങി ഇറങ്ങി ചവറ്റുകുട്ടയിൽ ബില്ല് ഇടുന്നതിന് പകരം അവ സൂക്ഷിച്ച് വെച്ചാൽ ഒരു കോടി രൂപ വരെ സ്വന്തമാക്കാം! പുത്തൻ പദ്ധതി അവതരിപ്പിച്ചിരിക്കുകയാണ് കേന്ദ്ര ധനമന്ത്രാലയം.
‘മേരാ ബിൽ, മേരാ അധികാർ’ എന്ന പേരിലാണ് പുത്തൻ പദ്ധതി അവതരിപ്പിച്ചിരിക്കുന്നത്. ജിഎസ്ടിക്ക് കീഴിലുള്ള കടയിൽ നിന്ന് 200 രൂപയുടെ സാധനം വാങ്ങുന്നവർക്കാണ് അവസരം. ഇത്തരത്തിൽ ബില്ല് വാങ്ങുന്നവരിൽ നിന്നുള്ള ഭാഗ്യശാലികൾക്ക് ഒരു കോടി രൂപ വരെ ലഭിക്കുമെന്നാണ് കേന്ദ്രം വ്യക്തമാക്കുന്നത്. ഒന്നാം സമ്മാനമായി ഒരു കോടി, രണ്ടാം സമ്മാനമായി പത്ത് ലക്ഷം രൂപ, മൂന്നാം സമ്മാനമായി 10,000 രൂപയും ലഭിക്കും. ഒരാൾക്ക് പ്രതിമാസം 25 ബില്ലുകൾ വരെ സ്വന്തമാക്കാം
കൃത്യമായി നികുതി അടയ്ക്കാൻ ജനങ്ങളെ പ്രോത്സാഹിപ്പിക്കുകയാണ് പദ്ധതിയുടെ ലക്ഷ്യം. ഹരിയാന, അസം, ഗുജറാത്ത്, കേന്ദ്രഭരണ പ്രദേശങ്ങളായ ദാദ്ര ആൻഡ് നഗർ ഹവേലി, ദാമൻ ആൻഡ് ദിയു, പുതുച്ചേരി എന്നിവിടങ്ങളിൽ പദ്ധതി ആരംഭിക്കുമെന്ന് മന്ത്രാലയം അറിയിച്ചുണ്ട്.
Comments