മലയാളികളുടെ ഇഷ്ടതാരങ്ങളിൽ ഒരാളാണ് നടൻ ബാല. അടുത്തകാലത്ത് കരൾ സംബന്ധമായ അസുഖത്തെ തുടർന്ന് ബാലയുടെ ആരോഗ്യം വളരെ മോശമായിരുന്നു. താൻ മരിക്കുമെന്നാണ് എല്ലാവരും വിധി എഴുത്തിയിരുന്നു എന്ന് അടുത്തിടെ ബാല തന്നെ തുറന്ന് പറഞ്ഞിരുന്നു. ഏറെ നാളത്തെ ആശുപത്രി വാസത്തിനും കരൾ മാറ്റിവയ്ക്കൽ ശസ്ത്രക്രിയയ്ക്കും ശേഷം വീട്ടിൽ എത്തിയ താരം പുതിയ വിശേഷങ്ങളൊക്കെ പങ്കുവെക്കാറുണ്ട്. നിലവിൽ ആരോഗ്യം വീണ്ടെടുത്ത് കൊണ്ടിരിക്കുന്ന നടൻചില പൊതുപരിപാടികളിലും പങ്കെടുക്കാറുണ്ട്.
ഇപ്പോഴിതാ തനിക്ക് കരൾ പകുത്ത് നൽകിയ വ്യക്തിയെ ആരാധകർക്ക് പരിചയപ്പെടുത്തുകയാണ് നടൻ. ജോസഫ് എന്ന ആളാണ് ബാലയ്ക്ക് കരൾ നൽകിയത്. ഫിലിം ആർട്ടിസ്റ്റ് എംപ്ലോയീസ് യൂണിയന്റെ പരിപാടിയിൽ പങ്കെടുത്ത് സംസാരിക്കുമ്പോഴായിരുന്നു ജോസഫിനെ ബാല പരിചയപ്പെടുത്തിയത്.
‘‘ഞാൻ മരിച്ചാലും എന്റെ ചേട്ടൻ ജീവനോടെ ഉണ്ടാകണം എന്നാണ് ശസ്ത്രക്രിയയ്ക്ക് മുമ്പ് ജോസഫ് ഡോക്ടർമാരോട് പറഞ്ഞത്.’’ എന്നാണ് വീഡിയോയിൽ ബാല പറയുന്നത്. താൻ തിരിച്ചുവന്നാൽ ഒരു ജീവൻ മാത്രമല്ല ഒരായിരം ജീവനുകൾ രക്ഷപ്പെടുമെന്നും ജോസഫ് പറഞ്ഞതായി ബാല കൂട്ടിച്ചേർത്തു. ഡോക്ടർമാരാണ് തന്നോട് ഇക്കാര്യം പറഞ്ഞതെന്നും ബാല വ്യക്തമാക്കി. ഈ വീഡിയോ ഇപ്പോൾ സമൂഹമാദ്ധ്യമങ്ങളിൽ വെെറലാകുകയാണ്.
