എറണാകുളം: കൊച്ചിയിൽ വിദ്യാർത്ഥികളിൽ നിന്നും ലഹരി മരുന്ന് കണ്ടെത്തി. പെരുമ്പാവൂർ അറക്കപ്പടിയിലാണ് സംഭവം. കോളേജ് വിദ്യാർത്ഥികളിൽ നിന്നാണ് ലഹരിമരുന്ന് പിടികൂടിയതെന്ന് പോലീസ് അറിയിച്ചു. വിദ്യാർത്ഥികൾ വാടകയ്‌ക്ക് താമസിക്കുന്ന റൂമിൽ നിന്നാണ് എംഡിഎംഎയും കഞ്ചാവും കണ്ടെടുത്തത്. സംഭവത്തിൽ മൂന്നാം വർഷ ബിബിഎ വിദ്യാർത്ഥികളായ നെവിൻ മാത്യു, റിച്ചു റെജി, എൽബിൻ മാത്യു എന്നിവർ പിടിയിലായി.
ലഹരി മരുന്ന് ഉപയോഗത്തെ കുറിച്ച് പോലീസിന് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ പരിശോധനയിലാണ് വിദ്യാർത്ഥികൾ പിടിയിലായത്. ഇവർ താമസിക്കുന്നിടത്ത് നിന്നും ലഹരിമരുന്ന് കണ്ടെത്തുകയായിരുന്നു. വിദ്യാർത്ഥികളെ പോലീസ് കസ്റ്റഡിയിലെടുത്തിട്ടുണ്ട്.
