ബുഡാപെസ്റ്റ്: ഇന്ത്യയുടെ സുവർണ പ്രതീക്ഷയ്ക്ക് ചിറകുകൾ വിടർത്തി നീരജ് ചോപ്ര. ലോക അത്ലറ്റിക്സ് ചാമ്പ്യൻഷിപ്പ് ഫൈനലിൽ ജാവലിൻ ത്രോയിൽ ഇന്ത്യയുടെ നീരജ് ചോപ്ര ഫൈനലിൽ. യോഗ്യതാ റൗണ്ടിലെ ആദ്യ ശ്രമത്തിൽ തന്നെ നീരജ് ചോപ്ര ഫൈനലിന് യോഗ്യത നേടി. 88.77 മീറ്റർ ദൂരം ആദ്യശ്രമത്തിൽ തന്നെ താരത്തിന് മറികടക്കാനായി. ഈ സീസണിലെ നീരജിന്റെ മികച്ച പ്രകടനമാണിത്.
ഞായറാഴ്ചയാണ് ഫൈനൽ പോരാട്ടം. നീരജിന് പുറമേ കിഷോർ കുമാർ ജെന, ഡി.പി.മനു എന്നിവരും ഇന്ത്യയ്ക്കായി മത്സരിക്കുന്നുണ്ട്. കഴിഞ്ഞവർഷം യുഎസിൽ നടന്ന ചാമ്പ്യൻഷിപ്പിൽ നീരജ് വെള്ളി നേടിയിരുന്നു. യോഗ്യതാ റൗണ്ടിലെ തകർപ്പൻ പ്രകടനത്തിലൂടെ പാരിസ് ഒളിമ്പിക്സിനും നീരജ് യോഗ്യത നേടി.
Comments