ദക്ഷിണാഫ്രിക്കൻ ബൗളർമാർക്ക് മുന്നറിയിപ്പുമായി മുൻതാരവും ഇതിഹാസ പേസറുമായ മക്കായ എന്റിനി. വിരാട് കോഹ്ലിയെ നിങ്ങളൊരിക്കലും സ്ലെഡ്ജ് നിൽക്കരുതെന്നും അങ്ങനെ ചെയ്താൽ വലിയ വില നൽകേണ്ടിവരുമെന്നുമാണ് മുൻ താരത്തിന്റെ മുന്നറിയിപ്പ്.
നിങ്ങൾ സ്ലെഡ്ജ് ചെയ്യാതെ അവനെ വെറുതെ വിടുകയാണെങ്കിൽ, കോഹ്ലിക്ക് ബോറടിക്കുകയും അദ്ദേഹത്തിന് പിഴവ് സംഭവിക്കുകയും പെട്ടെന്ന് വിക്കറ്റ് കളയുകയും ചെയ്യുമെന്നും താരം പറയുന്നു.
‘വിരാട് കോഹ്ലിയെക്കുറിച്ച് ഞാൻ നിങ്ങളോട് ഒരു കാര്യം പറയട്ടെ, അദ്ദേഹത്തിന് പന്തെറിയുന്ന എല്ലാ ദക്ഷിണാഫ്രിക്കൻ ബൗളർമാരോടുമാണിത് പറയുന്നത്. ബാറ്റ് ചെയ്യുമ്പോൾ അവനോട് ഒരക്ഷരം മിണ്ടരുത്. ഞാൻ ആവർത്തിക്കുന്നു, അവനോട് എന്തെങ്കിലും പറഞ്ഞ് അവനെ സ്ലെഡ്ജ് ചെയ്യരുത്. നിങ്ങൾ അങ്ങനെ ചെയ്യുകയാണെങ്കിൽ, നിങ്ങൾ അതിന് വലിയ വില നൽകേണ്ടിവരും.’
‘കോഹ്ലിക്ക് സ്ലെഡ്ജ് ചെയ്യപ്പെടാൻ ആണ് ഇഷ്ടം. അവൻ യുദ്ധം ആഗ്രഹിക്കുന്നു, അത്തരം കാര്യങ്ങൾ ഇഷ്ടപ്പെടുന്നു. നിങ്ങൾ അങ്ങനെ ചെയ്യുകയാണെങ്കിൽ, നിങ്ങൾ യഥാർത്ഥത്തിൽ അവൻ ആഗ്രഹിക്കുന്ന കാര്യങ്ങൾക്ക് വഴങ്ങുകയാണ്, അത് അവനെ കൂടുതൽ അപകടകാരിയാക്കുയും അവൻ നിങ്ങളെ പ്രഹരിക്കുകയും ചെയ്യും.’
‘പകരം, അവനെതിരെ മിണ്ടാതിരിക്കുക. ഒരു ബൗളറെ ഒന്നും അവനെതിരെ പറയാതെ കാണുമ്പോൾ അയാൾക്ക് ബോറടിക്കും. അപ്പോഴാണ് അയാൾക്ക് തെറ്റ് പറ്റുന്നത്. മറ്റ് ബാറ്റർമാരുമായി നിങ്ങൾ ചെയ്യുന്ന കാര്യങ്ങൾ കോഹ്ലിയോട് ചെയ്യരുത്.’ എന്റിനി പറഞ്ഞു.
Comments